मती ओजाःतेरा भगवानराः नपाय सरवन 13:12 - Korwa Bible

¹² तोनोंगीग एचेरे तोनोंगाः इदा दो हाँयके भगवान अरूय एमेवायता, अरू हाँय एचेरे मुरुक बगरा होया जुवाःता। मनदो तोनोंगीग एचेरे तोनोंगाः कोवानेःआ दो, हाँय एचेरे गुनमिन हों इदा, हना हों हाँय अते भगवान गोःयाता।

मती ओजाःतेरा भगवानराः नपाय सरवन 13:12 Referans Kwoze

मती ओजाःतेरा भगवानराः नपाय सरवन 25:29

तोनोंगीग एचेरे कहिसाः इदा, दो हाँयके भगवान अरूय एमेवायता। अरू हाँय एचेरे मुरुक बगरा होया जुवाःता। मनदो तोनोंगीग एचेरे कहिसाः मेर दोहोन, दो हाँय एचेरे गुनमिन हों इदा हना हों हाँय अते भगवान गोःयाता।

लूका 8:18

हनालगा अपे मुरुक तिंगीडवा घड़ीन ईंग बड़रापे अयूम। तोनोंगीग एचेरे कहिसाः इदान दो, हाँयके भगवान अरूय एमेवायता। मनदो तोनोंगीग एचेरे कहिसाः कोवानेःआ दो हाँय, ईंग एचेरे इदा, माःआने ओंगलेता हना हों हाँय अते भगवान गोःयाता।

उदुःतो कताकून 2:5

हनालगा अपे उहियारगुःपे करतेपे कसड़किया, अरू जीव कुदाकेडखन मनाड़ंग इयाःआ बुताकूनपे बुता। अपे जीव मेरपे कुदाय दो ईंग अपे एचेरे सेनेकियानखन अपेराः ढिबरी अपे अतेयिंग चलाः एंडागोडता।

लूका 16:25

दो इबराहीम कतातेरा, ने बेटा, आम चउंदीसरे मुरुक नपाय नपाय जिनिसमे पवावनेना। अरू लाजर आम इया मेरेय पवावगान। मनदो नुँहू हाँय सलसतरे इदानिया अरू आम पीरारेम तड़पाःतना।

मती ओजाःतेरा भगवानराः नपाय सरवन 21:43

हनालगा ईंग अपे एचेरेयिंग कतायतना, भगवानराः राइज अपे अते चलाः एंडा जुवाःता अरू नपाय जोःओकू जोःता हँकुःआ एटाः जइत होड़कू हनाकू पवाःता।

लूका 16:2

दो गिरहत होड़, जिमेवारी होड़ राःतेडखने होंबरेया, ईंग करा करा उड़ी आम बदीरिंग अयुमेतना? आम मड़ंग दिन ईंगरीग जिमेवारी होड़ ओरोम दोहो अवेनेना। हनालगा ईंगराः आन-धानते चिनचिलाम करेगकेरा हना आम ईंगमे ओजाः उदुःवा।

लूका 10:42

मनदो मिनीटोंग कता मइद इदा अरू हनानाः मनइद कता मरियम लुंबाड़केरा। हना हाँय अते तोनोंगीग ओरोकू लुड़ीतेरा।”

लूका 9:26

तोनोंगीग होड़ ईंग बदीरे अरू ईंगराः सरवन बदीरेय गियुः दो, मनुवारीग बेटात, आँयगराः अरू आँयग अपांगराः अरू सेरमो देसरिकुःआ सुद बराहीलकूराः विड़चेड़ मरसलरेय कुदा वेग मेला हाँयग होड़ बदीरे होंय गियुःता।

मरकूस 12:9

हनते ईसू होंबोरतेड, “अपे चेले माःआनपे ओंगलेता, अंगूर बगइचारीग मालिक हँकू करा इयाय करेगकूता? हाँय वेगकियानखन अधियादारकूय ञेड एंडाकूता अरू हना अंगूर बगइचा एटाः होड़कूय ओवागोडकूता।

लूका 12:48

मनदो सेवकिया होड़ मालिकराः ओंगोल बेगर सुदीते बेलूर बुताय बुताता, दो हाँय मड़ंगीग अते हुडिंग डंडे पवाःता। बगराय एमेकेरा, हाँय अते बगराय असेगेता अरू बगराय जिमेवारिया हाँय अते बनागरा आभाय गोःता।”

एकूब 4:6

मनदो भगवान होड़कू अरूय मयावाकूता। हनालगा भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता हँकुःआ होड़कूय मयावाकूता।”