मती ओजाःतेरा भगवानराः नपाय सरवन 10:1 - Korwa Bible

¹ हनते ईसू आँयगरिकुःआ बारहो मूक चेलाकू अनँयग एचेरेय राःतेडकुःआ अरू हँकू भूतकू उडुंगकू लगा अरू जमा बरानाः बेमरियाकू नपायकू लगा हातपाते एमेवातेडकुःआ।

मती ओजाःतेरा भगवानराः नपाय सरवन 10:1 Referans Kwoze

लूका 10:19

बींग अरू बका चिड़िंग चोटरे चोडगे लगा अरू कलउ हरुवावगेय लगा हों अपेके जंगर ईंग एमेवाडपेःआ। अपे तोनोंगीग ओरोकू हनी अवेतेडपेःआ।

लूका 24:49

ईंग अपांग जबानकेरा हाँयग सुद बिरुवायिंग वारेयता। अरू हाँय अते अपे सेरमो देसराः जंगर अरीनपे पवाः वरी ननानाः सहररेपे दोहो हताड़।”

मूक चेलाकू 1:8

मनदो सुद बिरुवा अपे एचेरेय वेगता अरू जंगरपे पवाःता। हनते अपे एरुसलेम सहररे, एहूदिया छतररे, समरिया राइजरे अरू चउंदीसराः जमा देसरे ईंगरिकुःआ हिदइतदारकूपे बड़ाँःता।”

एहुना 3:27

दो एहुना कतातेरा, “भगवान सेरमो देसते तोनोंगीग एचेरे मेरेय एमेवा, हना वरी हाँय तोनोंगाः ओरोय पवावनेना।

लूका 6:13

अंगुः निंदावा ईसू अनँयग चेलाकूय राः जुमावतेरा। हाँय हँकू अते बारहगोटोंग होड़कूय लुंबाड़तेरा अरू आँयगरिकुःआ मूक चेलाकूय कतावातेडकुःआ।

लूका 21:15

हननमेला अपे हँकू सुदा बड़रा लगा कनहूनिंग एमेवापेता। अपेराः हना बड़रा अयूमकेडखन अपेरिकुःआ मुदइ होड़कू ओरोकू हरुवाव अवेतेडपेःआ अरू ओरोकू घंटाव अवेतेडपेःआ।

मूक चेलाकू 19:15

मनदो मी दिन मीटोंग भूत हँकू एचेरेय कता कुदातेरा, “ईसूयिंग सुदीयतना, अरू पउलूस होयिंग सुदीयतना, मनदो अपे इयेकू हवे?”

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

एहुना 6:70

दो ईसू कतातेड, “ईंग इनिंगते अपे बारहो होड़कूयिंग सुनावकेडपेःआ। हनारे हों अपे अते मी होड़ कलउरीग होड़ हवे।”

एहुना 3:35

अपांग भगवान अनँयग बेटाय अलार-दुलारता अरू जमा जिनिसकून हनाँय एचेरेय जिमाकेरा।

उदुःतो कताकून 12:1

हनते सेरमो देसरे मीटोंग मरंग चिनहायिंग ञेलतेरा। मी होड़ अइमी बेरे ओयोकातेरा। बांगो हाँयराः काट पेंदा दोहोना अरू हाँयराः बोःरे बारहगोटोंग इपीलकूते सिंगारतो पगरी दोहोना।

मती ओजाःतेरा भगवानराः नपाय सरवन 26:47

ईसू कनताय कताय मेला, बारहगोटोंग मूक चेलाकू अते मी होड़ जूदा वेगनेना। मरंग पुजउरीकू अरू इसराएलरिकुःआ मूक होड़कू हाँय सुदा मुरुक बगरा होड़कूकू वारतेरा। हँकुःआ होड़कू तलवइरकून अरू हापकून साबतेडखनकू वेजेडा।

मती ओजाःतेरा भगवानराः नपाय सरवन 26:20

दो हना सिंगाड़ मेला ईसू बारहगोटोंग चेलाकूतेन सुदा जोजोम लगाकू दुड़ुःयान।

मती ओजाःतेरा भगवानराः नपाय सरवन 19:28

दो ईसू कतातेड, “अपे ईंगपे अयूम, नँवा चउंदीस बड़ाँः मेला, मनुवारीग बेटात मान मरजइत घड़ीन राइजगे लगाय दुड़ुःता। हनमेला ईंग देह दूरपे सलाःतना अपे हों, बारहगोटोंग गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजता।

मती ओजाःतेरा भगवानराः नपाय सरवन 6:13

अरू कसूरराः रेनहारे अलोम पराव ओवाले, मनदो बेलूर अतेम बनसावले। [हकतियार अरू जंगर अरू मान मरजइत सगर सइट वरी अनमराः हवे। आमीन!]

मती ओजाःतेरा भगवानराः नपाय सरवन 4:23

हनते ईसू जमा गलील छतररे सेनेडखन हँकूराः अरजी ओड़ाःकूनरेय चेडतेडकुःआ। हाँय होड़कू एचेरे भगवानराः राइजराः नपाय सरवने परसारतेरा अरू अबड़ाहा होड़कू अरू जमा बरानाः बेमरियातेकू दोहोना हँकुःआ होड़कूय नपायगोड ञवना।

मती ओजाःतेरा भगवानराः नपाय सरवन 9:35

ईसू एटाः एटाः सहरकून अरू गाँवकूनरे सेनेडखन हँकूराः अरजी ओड़ाःकूनरेय चेडतेडकुःआ। हाँय भगवानराः राइजराः नपाय सरवने परसार उदुःतेरा अरू बेमरियातेकू दोहोना हँकुःआ होड़कूय नपायगोड ञवना।

मती ओजाःतेरा भगवानराः नपाय सरवन 9:38

हनालगा दोहोड़रीग मालिक भगवान एचेरे बुता होड़कूय वारकू लगापे अरजीगे।”