मती ओजाःतेरा भगवानराः नपाय सरवन 1:18 - Korwa Bible

¹⁸ ईसू मसी नाःआ इयाय जनमावनेना। हाँयरीग एंगात मरियमराः मंगा बरा उसूप सुदा होयानेना। मनदो हँकिन मिनीरेकिन दोहोन अते मड़ंग, मरियम सुद बिरुवातेय भरी-पावनेना।

मती ओजाःतेरा भगवानराः नपाय सरवन 1:18 Referans Kwoze

इबरानी 10:5

हनालगा मसी चउंदीसरेय वेगनेन मेला भगवान एचेरे नाःआ इयाय कतातेरा, “आम बलिदान अरू दान मेरेम चाहावगान, मनदो आम ईंग मीटोंग देहमे ओवातिरिंगा,

इबरानी 7:26

इनीसू हमा अबू जुकूर मरंग मूक पुजउरी। हाँय सुद अरू बेगर गारबार अरू बेगर कसूरीग इदानिया। नुँहू हाँय सेरमो देसरे मुरुक मान मरजइत सुदा इदानिया।

लूका 1:25

हाँय कतातेड, “भगवान ईंगराः जीवे नपायकेरा। नाःआते नुँहू वरीते होड़कू ईंग ओरोकू लंदा एरंगवाडिंगा।”

मती ओजाःतेरा भगवानराः नपाय सरवन 1:1

ईसू मसीराः खुटिपरिया होड़कूराः सूची कागद नाःआ इया इदा। ईसू मसी इबराहीमरीग नइड़-बाँस होड़ अरू दाऊद राजारीग नइड़-बाँस होड़ होंय दोहोना।

मती ओजाःतेरा भगवानराः नपाय सरवन 2:11

हनते हँकू ओड़ाःरेकू बोलोयान अरू हाँयग लँइग, एंगात मरियम सुदाकू ञेलतिरिया अरू हँकू ईसू मड़ंगरे उकुड़ोमनेनखनकू सलामतिरिया। हनते हँकू बकसाकून गीगतेडखन सोना, लसा अरू गंदरस हाँय लगाकू दहिनतेरा।

मती ओजाःतेरा भगवानराः नपाय सरवन 12:46

दो ईसू होड़कू सुदाय बुतुड़ु मेला आँयगरीग एंगात अरू बोपोहकूतेन हाँय सुदा जुमाः लगाकू वेजेडा अरू हँकू हाँय सुदा बुतुड़ु लगाकू चहाःआ।

लूका 2:5

मरियमराः मंगा बरा उसूप सुदा होयानेना अरू मरियम भरी पावरेय दोहोना। दो हँकिन बना होड़ ञाव एचे जोड़ाव लगा बेतलहेम सहररेकिन सेनेडा।