लूका 9:5 - Korwa Bible

⁵ तोनोंग सहररिकुःआ होड़कू अपे मेरकू नेत-नेवारपे दो हँकूराः सहर अते बहरी सेन मेला हँकूराः बदीरे मीटोंग चिनहा इया अपेराः काटराः धुंदरा कोटा एंडा अटूपे।”

लूका 9:5 Referans Kwoze

मूक चेलाकू 18:6

मनदो एहूदाकू हाँय मुरुककू घंटावतिडिया, अरू ओपताय घड़ीनकू कतावाया दो, पउलूस आँयगराः सोनहे मीटोंग चिनहा इया हँकूराः बदीरेय कोटातेडखने कताया, “भगवान अपेय डंडियाता हनाराः जिमेवारी अँननपेराः होयाःता। नुँहू वरीते ईंग बेगर एहूदाकू एचेरे भगवानराः नपाय सरवनिंग कता उदुःता।”

मूक चेलाकू 13:51

हनालगा हँकिनाः होड़किन अँकिनराः काट अते धुंदराकून कोटा एंडागोतेडखन इकुनियुम सहर अगी तोराकिन।

मरकूस 6:11

तोनोंग सहररिकुःआ होड़कू अपे मेरकू नेत-नेवारपे अरू अपेराः कता मेरकू अयूमगे दो हना सहर अते सेनेन सेन मेला काटराः धुंदराकून कोटा एंडागोडपे। दो नाःआ हँकुःआ होड़कू भगवान डंडियावकूता हनाराः चिनहा इया दोहोनता।”

लूका 10:16

हनते ईसू चेलाकू एचेरेय कताया, “अपेराः बड़राकू मनाःता हँकू ईंगराः बड़रा होंकू मनाःता अरू अपेराः बड़रा मेरकू मनाःता हँकू ईंगराः बड़रा मेरकू मनाःता। अरू ईंगकू आड-बेकारवाता हँकू ईंगे वारकेरा हाँयकू आड-बेकारवाता।”

लूका 9:48

हनते ईसू हँकू एचेरेय कताया, “तोनोंगीग होड़ ईंगराः ञावते नाँयग लँइगे नेत-नेवार दो, हाँय ईंगे नेत-नेवारता। ईंगे नेत-नेवारता, हाँय ईंगे वारकेरा हाँयग भगवाने नेत-नेवारता। अपे अते इये अनँयग आँयग हुडिंगे ओंगलुःता, हनाँय जमाकू अते मरंग इदानिया।”

मरकूस 9:37

“तोनोंगीग होड़ नाँयग लँइग इया तोनोंगीगे नेत-नेवारगेय दो, हाँय ईंगे नेत-नेवारता। ईंगे नेत-नेवारता, हाँय ईंग एकला कोवान मनदो ईंगे वारकेरा हाँयग भगवान होंय नेत-नेवारता।”

लूका 5:14

हनते ईसू हाँये हुकुमवातेरा, “नाःआ कता तोनोंगीग एचेरे अलोम कताय। मनदो आम भगवानरीग पुजउरी एचेरे सेनेकियानखन एचे जासगुःमे। अरू मोसेस हुकुमकेरा, हना नियम इया आम सुदगुः लगा बलिदानमे देगगे, जेमहा जमा होड़कू सुदीगोड, आम नपाययना, माःआन।”

मती ओजाःतेरा भगवानराः नपाय सरवन 10:18

अरू ईंग ञाव बदीरे राजाकू अरू हातपात होड़कू मड़ंगरे अपेकू ओर गोःयाता। हनमेला अपे हँकू एचेरे अरू बेगर एहूदाकू एचेरे ईंगराः हिदइतदारकूपे दोहोनता।

लूका 9:4

तोनोंगीग होड़ अपेय नेत-नेवार दो, हाँयग होड़राः सहररे जमाकू एचेरे परसारगे वरी हनाँयग होड़राः ओड़ाःरेपे दोहोन।