लूका 9:47 - Korwa Bible

⁴⁷ ईसू हँकूराः ओंगोल सुदीवाडखन मी होड़ लँइग अगूतिरिगखन अनँयग एचेरेय एचे चड़ाँतिरिया।

लूका 9:47 Referans Kwoze

एहुना 16:30

तोनोंगीग आम एचेरे तोनोंगाः होहोंबोर लगा कोवानेःआ। नुँहू अले सुदीगोतेडाले, आम जमा बरानाःम सुदीयतना। ननानाः अते अले बिसवासगेतना आम भगवान अगीतेम वेगकिया, माःआन।”

उदुःतो कताकून 2:23

ईंग हाँयरिकुःआ लइंकूयिंग ञेड एंडाकूता। हना अते जमा कलसियारिकुःआ होड़कू ईंग बदीरेकू सुदीयता, जमा होड़कूराः इंदरी अरू ओंगोल जासीग हनाँय हवे अरू अबू जमा होड़कू अँननबूराः बुता इयाय एमे कुदावाबूता, माःआन।

इबरानी 4:13

भगवान तुलाकेरा हना जमा सकालाः हाँय अते ओकोत कोवानेःआ। जमाकून हाँय मेडरे ञेल पुरुःता इया इदा, अरू हनाँय एचेरे अबूके आभा एएमे पराःता।

लूका 5:22

ईसू सुदीगोतेड नँकू नाःआ इयाकू ओंगलेतना अरू हँकू एचेरेय कताया, “अपे चिला लगा नाःआ उड़ीपे ओंगलेतना?

मती ओजाःतेरा भगवानराः नपाय सरवन 9:4

मनदो ईसू हँकूराः ओंगोल सुदीकेडखन हँकू एचेरेय कताया, “अपे चिला लगा अपेराः जीवरे बेलूर ओंगोलपे ओंगलुःतना?

1 कुरिंती 14:20

ने ईंगरिकुःआ अजी बोपोहकूतिंग, अपे लइंकू इया अहापे ओंगले। मनदो अपे सयाँड़ होड़कू इयापे ओंगले अरू बती लइंकू इया सुझिया होड़कूपे बड़ाँः।

एहुना 21:17

दो ईसू पेय तुरहा हाँय एचेरेय कतातेड, “ने एहुनारीग बेटात सिमोन, आम ईंगमे दुलारगींगता जा?” ईसू हाँय एचेरे पेय तुरहाय होंबोरतेरा, आम ईंगमे दुलारगींगता जा, माःआन। हनालगा पतरसराः जीव मुरुक हुडिंगयान। अरू हाँय कतातेड, “परबू आम दो जमा बरानाःम सुदीयता अरू आम सुसुदीतना ईंग आमिंग दुलारतना।” दो ईसू कतातेड, “ईंगरिकुःआ भेड़ाकू सराव हड़ाःकूमे।

एहुना 2:25

मनुवाकूराः जीवरे चिनचिला ओंगोल इदा हना जमाय सुसुदीःआ। हनालगा तोनोंगीग होड़ एटाः होड़ बदीरे हाँय एचेरे ककता लगा कोवानेःआ।

मती ओजाःतेरा भगवानराः नपाय सरवन 12:15

दो ईसू नाःआ कताय सुदीगोतेड अरू हाँय हंडाते एटाः ततेर तोराय। अरू मुरुक बगरा होड़कू हाँय देह दूरकू ओतोंग वेगा अरू हाँय हँकुःआ जमा होड़कू अँकूराः बेमरियातेय नपायतेडकुःआ।