लूका 9:28 - Korwa Bible

²⁸ आठ दिन तयोमरे ईसू, पतरस, एहुना अरू एकूब पहाड़ चोटरे अनँयग सुदा अरजीगे लगाय गोःयाडकू।

लूका 9:28 Referans Kwoze

लूका 6:12

तोनोंग दिन तयोमरे ईसू पहाड़ अगी अरजी लगाय सेनेडा अरू हाँय अंगुः वरी भगवान एचेरेय अरजीःआ।

लूका 9:18

मी दिन ईसू अनँयग आँयगतेय अरजीःआ। हना तयोमरे हाँय आँयग चेलाकू एचेरेय होंबरेःआ, “होड़कू ईंग बदीरे चेले माःआनकू कतायता?”

लूका 8:51

दो आईरराः ओड़ाः सोदोरनेनखन ईसू, पतरस अरू एहुना अरू एकूब अरू हाँयग लँइगरिकिनाः एंगात अपात अड़ाःवाडखन तोनोंगीग आँयग सुदा ओड़ाः पेंदा मेरेय बोलो ओवागाडकू।

मरकूस 6:46

हना तयोमरे ईसू पहाड़ अगी अरजीगे लगा तोराय।

मरकूस 1:35

अंगुः मेला ईसू हना ओड़ाः अते मीटोंग रिंग-रोंग ततेररे अरजी लगाय सेनेडा।

इबरानी 5:7

ईसू चउंदीसरेय दोनोहोन मेला हाँय मुरुक सटी खिररी घड़ीन अरू मेड दाः जोरो जोरो हाँय गुजुः अते बनसाव अवेयता, हाँयग भगवान एचेरे असे घड़ीने अरजीःआ। अरू हाँय अकूस मनाः घड़ीने अरजीःआ अते भगवान अनायूमबाःकातेरा।

2 कुरिंती 13:1

भगवानराः कागदरे ओजाःतो इदा, “बार होड़ सहे पेय होड़राः हिदइतते तोनोंगाः कता कता-जमकाव जुवाःता।” पेय पुरती अपे एचेरेयिंग सेनतना।

लूका 3:21

जेहेलरे सींगतोय दोहोन अते मड़ंग एहुना एटाः एटाः होड़कू बतिसमाय एमेवाःआ दो ईसू हों बतिसमा गोःतेडखने अरजीःआ अरू सेरमो देस गीगयान।

मती ओजाःतेरा भगवानराः नपाय सरवन 5:1

ईसू मुरुक बगरा होड़कूय ञेलतेडखन, पहाड़ चोटरेय रकबयान अरू हंडाय दुड़ुःनेन। हनमेला ईसूरिकुःआ चेलाकू हाँय एचेरेकू वेजेडा।

मती ओजाःतेरा भगवानराः नपाय सरवन 14:23

हाँय होड़कू पइड़घावतेडखन अरजी लगा एकला पहाड़ चोटरेय देगयान। अयूब अंदरायान दो, हाँय हंडा एनेकलाय दोहोना।

लूका 5:16

मनदो ईसू, हँकू अते एटाःनेनखन रिंग-रोंग ततेररे सेनेवाडखने अरजीःआ।

एहुना 6:3

अरू ईसू आँयगरिकुःआ चेलाकू सुदा पहाड़रे देगकियानखने दुड़ुःयान।

2 पतरस 1:16

ईसू मसीराः जंगर बदीरे अरू हाँयराः कुदा वेग बदीरे अले तोनोंगाः तुलात कहड़ीकून मेरले कता बोनावगाडपेःआ। मनदो अले अँननलेराः मेडते हाँय तुमिन मरंग इदानिया हनाले ञेलकेरा।