लूका 8:47 - Korwa Bible

⁴⁷ हाँयग अइमी सुदीगोतेडे, ईंग ओरोयिंग ओको अवेनेना, माःआन। दो हाँय बोतोरतेय कलपाःआ अरू ईसू मड़ंगरे तबेरवाडखने कताया, “ईंग बारह बरिस वरी नहावनरेयिंग दोहोना। दो ईंग नुँहू आमराः सोनहे असरायिंग टोँवावतेरा। हननमेला ईंग नपाययना।”

लूका 8:47 Referans Kwoze

मरकूस 5:33

दो हाँयग अइमी सुदीगोतेडे, ईंग नपाययना, माःआन अरू बोतोरते कलपाः घड़ीन ईसूराः मड़ंगरे उकुड़ोमवाडखन अनँयग एचेरे होयानेना हना जमाकूने कताया।

2 कुरिंती 7:15

अपे अकूस मनाः घड़ीन तितूस सुदापे जुमावनेनखन हाँयराः जमा कताकूनपे मनावनेना माःआने उहियार अगूयता अरू हनाते अपे बदीरे हाँयराः दुलार अनउर बगरा इदीनता।

इबरानी 12:28

मेर झिकोड़गुःता हना राइजबू पवावतना। हनालगा भगवानबू धनियाबाद अरू हाँयबू मान मरजइत अरू अकूस मनाः घड़ीन हाँय ननाँय जुवाः इयाबू जागगेय।

1 कुरिंती 2:3

ईंग अपे सुदायिंग दोहोन मेला, सतवास अरू बोर घड़ीन मुरुकिंग कलपाःआ।

मूक चेलाकू 16:29

दो जेहेलरीग अगुरा होड़ मरसल अगूगे लगाय कतातेरा अरू बतकाव वेगवाडखन पउलूस अरू सिलास मड़ंगरे कलपाः घड़ीने उकुड़ोमनेना।

पिलिपी 2:12

दो ईंगरिकुःआ अजी बोपोहकूतिंग, अपे सुदायिंग दोहोन मेला, ईंगराः चेडतो जमा बेलापे मनावगोड ञवना। अरू नुँहू अपे सुदा कोवायिंगा हों अपे अरू नपायतेपे मनावगोड ञवन। भगवान सडावकेडकुःआ हँकुःआ होड़कू जियाः लगा इदा हनन इया, अपे हों भगवान मड़ंगरे अकूस मनाः घड़ीन मुरुक मिहनइतकेडखन जियाः लगा इदा।

मती ओजाःतेरा भगवानराः नपाय सरवन 28:8

दो हँकिनाः अइमीकिन ओहेन हना लात मड़गट अते बोर अरू मुरुक बहालतेकिन कुदायान अरू चेलाकू एचेरे कता उदुःगे लगाकिन बतकाव सेनेडा।

लूका 8:46

हनते ईसू कताया, “अपे अते तोनोंगीग होड़ ईंग टोनोवाँवकिरिंगापे। ईंग सुदीगोतेडिंग ईंग अते जंगर उडुंगकिया।”

लूका 8:48

दो ईसू हाँयग अइमी एचेरेय कतातेरा, “दिदी, आम ईंग एचेरेम बिसवासतेरा, हनालगा आम नपाययनाम। सलसतेम सलाव जुवाः।”