लूका 8:39 - Korwa Bible

³⁹ “आम ओड़ाःमे कुदा जुवाः अरू भगवान आमराः जीव करा इयाय नपायकेरा हना होड़कू एचेरेम कता उदगे।” दो हाँयग होड़ कुदायाने अरू सहररिकुःआ जमा होड़कू एचेरे ईसूराः बदीरेय परसारतेरा।

लूका 8:39 Referans Kwoze

1 तिमुतियूस 5:8

अँननकू ओड़ाःरिकुःआ होड़कू मेरकू पला दरीकूता, हँकुःआ होड़कू अँनकूराः बिसवासकू अड़ाःगोतेडा अरू बेगर बिसवासी होड़कू अते हों बेनेलूर इदानकुःआ।

एहुना 4:29

“दबूपे अरू मी होड़पे ञेल। हाँय ईंग मड़ंगरेयिंग एचेतेरा हना जमाकूने कता उदुःगोतेडा। मसी हनाँय हवे जा?”

मरकूस 1:45

मनदो हाँय हान अगीते सेनेडखन जमा होड़कू एचेरेय कताया, ईसू ईंगे नपायकेरा, माःआन। हनालगा ईसू तोनोंगाः सहररे ओरोय सेने अवेगान अरू हाँय टयंगाब ततेररेय दोहोना। हनारे हों होड़कू एटाः एटाः देस अगीते ईसू एचेरेकू वेजेडा।

मरकूस 5:18

ईसू डोंगारेय देगयान दो मड़ंगरे भूत समसावनेना हाँयग होड़ ईसू एचेरेय कताया, “ईंग आम सुदा सेने ओवायिंगमे।”

मरकूस 5:19

मनदो ईसू हाँय सेन लगा मेरेय एमेवागाडीग अरू हाँय एचेरेय कतातेड, “आम ओड़ाःमे कुदा जुवाः अरू भगवान सोगावाडमेखन आम जीव करा इयाय नपायकेडमेःआ, हना होड़कू एचेरेम कता उदुःगे।”

लूका 8:38

दो हनमेला मड़ंगरे भूत समसावनेना हाँयग होड़ ईसू एचेरेय कताया, “ईंग आम सुदा सेने ओवायिंगमे।” मनदो ईसू हाँय एचेरेय कताया,

लूका 8:40

ईसू गलील छतररेय कुदा वेगा दो मुरुक बगरा होड़कू हाँयकू ततंगीःआ अरू हाँयकू नेत-नेवारतिरिया।