लूका 8:37 - Korwa Bible

³⁷ हँकू मुरुककू बोरोयान अरू गरासीन छतररिकुःआ होड़कू ईसू एचेरेकू कतातेड, “आम अले सिमान अते सलाव जुवाःमे।” दो ईसू अरू आँयगरिकुःआ चेलाकू सेन लगा डोंगारेकू देगनेना।

लूका 8:37 Referans Kwoze

मूक चेलाकू 16:39

हँकिनकू मंदराव लगाकू वेजेडा अरू जेहेल अते एचे उडुंगतेडकिनखनकू हना सहर अते एटाः सहर अगीकिन सलाव जुवाः लगा हँकिन एचेरे असेतेडखनकू कतावातेडकिना।

लूका 10:16

हनते ईसू चेलाकू एचेरेय कताया, “अपेराः बड़राकू मनाःता हँकू ईंगराः बड़रा होंकू मनाःता अरू अपेराः बड़रा मेरकू मनाःता हँकू ईंगराः बड़रा मेरकू मनाःता। अरू ईंगकू आड-बेकारवाता हँकू ईंगे वारकेरा हाँयकू आड-बेकारवाता।”

लूका 9:56

हनते हँकू एटाः गाँवरे तोराकू।]

लूका 9:5

तोनोंग सहररिकुःआ होड़कू अपे मेरकू नेत-नेवारपे दो हँकूराः सहर अते बहरी सेन मेला हँकूराः बदीरे मीटोंग चिनहा इया अपेराः काटराः धुंदरा कोटा एंडा अटूपे।”

लूका 8:28

दो भूत समसावनेना हाँयग होड़ खिररी घड़ीन ईसू काट कुटीरे तबेरकियानखने कताया, “ईसू भाबी भगवानरीग बेटा! आम ईंग चिला लगाम हलकइनगींगतना?”

लूका 5:8

नाःआ ञेलतेडखन सिमोन पतरस ईसू मड़ंगरे उकुड़ोमवाडखने कतातेड, “ने परबू। ईंग कसूर होड़ हवे। ईंग अते सलाव जुवाःमे।”

मरकूस 5:17

हनते हँकुःआ होड़कू ईसू एचेरे असे घड़ीनकू कताया, “ने साहेब, आम अले सिमान अते सलाव जुवाःमे।”

मती ओजाःतेरा भगवानराः नपाय सरवन 8:34

हनते सहर अते मुरुक बगरा होड़कू ईसू सुदा जुमाः लगाकू वेजेडा अरू हँकू ईसू एचेरे असे घड़ीनकू कतातेड, “अले सिमान अते आम सलाव जुवाःमे।”

लूका 8:36

ईसू एचेतेरा हनाकू ञेलतेरा हँकुःआ होड़कू, एटाः होड़कू एचेरे भूत समसावतो दोहोना हाँयग होड़ करा इयाय नपाययना हनाकू कता उदुःतेरा।

लूका 8:38

दो हनमेला मड़ंगरे भूत समसावनेना हाँयग होड़ ईसू एचेरेय कताया, “ईंग आम सुदा सेने ओवायिंगमे।” मनदो ईसू हाँय एचेरेय कताया,