लूका 7:34 - Korwa Bible

³⁴ मनुवारीग बेटात जमाकूने जोम ञूःआ अरू अपे कतायता, माँय हरहा होड़ अरू मतवाड़ होड़ हवे। अरू माँय कसूर होड़कू अरू मलगुजारी गोः होड़कूरीग सउंगता हवे, माःआन।

लूका 7:34 Referans Kwoze

लूका 15:2

दो फरीसी होड़कू अरू नियम चेडदार होड़कू जहड़-बेडेग घड़ीनकू कताया, नाँय दो कसूर होड़कू सुदाय जुमाःता अरू हँकू सुदाय जोमता, माःआन।

एहुना 12:2

हंडा हाँय लगा बियाड़ीकू अरूतेरा अरू लाजर हों हँकू सुदा जोजोम लगाय दुड़ुःनेना अरू मारता हँकूय बायवाःआ।

लूका 19:7

नाःआ ञेलवाडखन होड़कू ईसूराः बदीरे कुरबुराः घड़ीनकू कताया, “माँय कसूर होड़राः ओड़ाःरे गुतियाय सेनेकिया।”

लूका 14:1

मीटोंग लोड़ोनराः दिनरे ईसू मी होड़ फरीसी होड़कूरीग मरंग होड़ ओड़ाःरे जोम लगाय सेनेडा। दो फरीसी होड़कू ईसू सिरढीटकू ञेलगोड ञवना।

लूका 7:36

सिमोन ञावीग फरीसी होड़ दोहोना। हाँय आँयग ओड़ाःरे जोम लगा ईसूय राःतेरा अरू ईसू फरीसी होड़ ओड़ाःरे तुयेकटावाडखन कड़वठिया दुडुःकियानखने जोजोमा।

लूका 5:29

अरू लेवी अनँयग ओड़ाःरे मुरुक होड़कू जोम लगाय सरबहातेरा। अरू हँकिन सुदा मुरुक बगरा मलगुजारी गोः होड़कू अरू एटाः एटाः होड़कू हों हंडा जोजोम लगाकू दुड़ुःनेना।

मती ओजाःतेरा भगवानराः नपाय सरवन 9:11

दो फरीसी होड़कू नाःआ ञेलतेडखन ईसूरिकुःआ चेलाकू एचेरेकू होंबोरतेड, “अपेरीग गुरुजी चिला लगा मलगुजारी गोः होड़कू अरू एटाः कसूर होड़कू सुदाय जोमता?”

एहुना 2:2

दो ईसू अरू आँयगरिकुःआ चेलाकू हों हना बियाहरे टिवाकू एमेवातेडकुःआ।

लूका 11:37

ईसू बड़रा उरियावनेन दो मी होड़ फरीसी होड़ आँयग ओड़ाःरे जोम लगा ईसूय राःतिरिया। दो ईसू हाँय ओड़ाःरे सेनेवाडखन जोम लगाय दुड़ुःनेना।

मती ओजाःतेरा भगवानराः नपाय सरवन 5:46

मनदो अपे अपेकू दुलारता हँकू एकलापे दुलारकू दो अपे भगवान अगीते तोनोंगाः इमानपे पवाःता जा? नाःआ इया मलगुजारी गोः होड़कू हों मेरकू एचेयता जा?

मती ओजाःतेरा भगवानराः नपाय सरवन 11:19

मनदो मनुवारीग बेटात जमाकूने जोमा अरूय ञूःआ अरू हँकू कतायतना, माँय हरहा होड़ हवे अरू कसूर होड़कू अरू मलगुजारी गोः होड़कूरीग सउंगता हवे, माःआन। मनदो भगवानराः कनहून इयाकू सलाःता हँकुःआ होड़कू नपाय दूररेकू सलाःता।”

लूका 7:33

बतिसमा एमे होड़ एहुना एटाः होड़कू जोमता हना इया मेरेय जोमगाड अरू हाँय रंजावतो अंगूर रस हों मेरेय ञूगाड। अरू अपे कतायतना, हाँय एचेरे भूत इदा, माःआन।

लूका 7:35

मनदो भगवानराः कनहून इयाकू सलाःता हँकुःआ होड़कू नपाय दूररेकू सेनता।”