लूका 7:27 - Korwa Bible

²⁷ नाँयग होड़ बदीरे भगवानराः कागदरे नाःआ इया ओजाःतो इदा, अयुमेमे, आम मड़ंगरे सेनेकियानखन आमराः दूरे सोएगगोड लगा ईंग इनिंगरीग बराहील आम अते मड़ंगिंग वारेयता।

लूका 7:27 Referans Kwoze

लूका 1:76

“ने बाबू, आम भाबी भगवानराः बड़रा कता होड़ हवे, माःआनकू कतावामता। अरू परबू वेग अते मड़ंग, आम हाँय लगा दूरमे संजोड़ता।

मरकूस 1:2

भगवानराः बड़रा कतायीग होड़ एसयाह ओजाःतेरा हना कागदरे नाःआ इया भगवान कतातेरा, “ईंग आम अते मड़ंग ईंगरीग बराहीलिंग वारगोडता। हाँय आम मड़ंग आम लगा दूरे संजोड़ता।”

एहुना 1:23

दो भगवानराः बड़रा कतायीग होड़ एसयाहराः कता इया एहुना कतातेरा, “परबू लगा दूरपे सोएगगोड, माःआन टयंगाब ततेररे खिररीवाडखने कतायता हाँयग होड़ इनिंग हवे।”

मती ओजाःतेरा भगवानराः नपाय सरवन 11:10

नाँयग होड़ बदीरे भगवानराः कागदरे नाःआ इया ओजाःतो इदा, अयुमेमे, ईंग इनिंग बराहील आम अते मड़ंगिंग वारेयता, अरू हाँय आम मड़ंगरे सेनेकियानखन, आमराः दूरे संजोड़गोडता।”

लूका 7:26

दो अपे चिला ञेल लगापे सेनेडा? अपे भगवानराः बड़रा कतायीग होड़ ञेल लगापे सेनेडा जा? हाव। ईंग अपे एचेरेयिंग कतायतना, एहुना जमा भगवानराः बड़रा कता होड़कू अते हों मरंगीग हवे।

लूका 7:28

एहुना अते तोनोंगीग मरंग होड़ नुँहू वरी चउंदीसरे मेरेय जनमावगना। मनदो भगवानराः राइजरे इदानकुःआ हँकू अते हुनुडिंगीग होड़ हों एहुना अते मरंग इदानिया।”