लूका 7:22 - Korwa Bible

²² हनते ईसू एहुनारिकिनाः चेलाकिन एचेरेय कताया, “अबा अयूमकेरा अरूबा ञेलकेरा हना एहुना एचेरेबा कता उदुःगे, अंधाकू ञेलतना, टुठा होड़कू सेनतना, कुड़गा होड़कू नपाययना, भइरा होड़कू अयुमेतना, गोएगतो होड़कू जियाव रेमतना अरू गरीब होड़कू एचेरे नपाय सरवनकू परसारगेतना।

लूका 7:22 Referans Kwoze

लूका 4:18

भगवानराः सुद बिरुवा ईंग एचेरे इदा। हनालगा गरीब होड़कू एचेरे नपाय सरवन कता उदुःगे लगाय भगवान ईंगे एटाःकिडिंगा। तोलतो होड़कू लड़ाकू लगा अरू अंधा होड़कू एचे ञेल लगा अरू संतावतो इदानकुःआ हँकुःआ होड़कू सडाव लगा

एकूब 2:5

ईंग अजी बोपोहकूतिंग, अपे ईंगपे अयूम, नाःआ चउंदीसरिकुःआ गरीब होड़कू भगवान आयँगराः बिसवासरे गिरहत होड़कू बड़ाँः लगाय सुनावकेडकुःआ। अरू भगवानकू दुलारता हँकुःआ होड़कू लगा आँयग जबानकेरा हना इया सेरमो देसरिकुःआ इताडदारकू तुला लगा होंय सुनावकेडकुःआ।

मती ओजाःतेरा भगवानराः नपाय सरवन 21:14

हनते अंधा होड़कू अरू लंगड़ा होड़कू ईसू एचेरेकू सेनेडा अरू हाँय हँकूय नपायतेरा।

मूक चेलाकू 26:18

जेमहा हँकू ईंग बदीरेकू सुदी अवेय अरू अँनकूराः कसूर अड़ाःकेडखन अंदरा दूर अते मरसल अगीकू वेग अरू कलउराः आड़ अते भगवान अगी जीवकू कुदा अवेय। नाःआते भगवान हँकूराः कसूरे बराव एंडाता अरू ईंग एचेरे बिसवासकेडखन एचे सुदकेडकुःआ हँकुःआ होड़कू सुदा इताडदारकू होयाःता।

लूका 7:21

हननमेला ईसू बेमरियाकू अरू पीरारेकू दोहोना हँकुःआ होड़कू होंय नपायतेरा। अरू होड़कू अते भूतकूय एचे उडुंगगोतेड अरू मुरुक बगरा अंधा होड़कूराः मेडे नपायतेरा।

मूक चेलाकू 8:7

भूतकू होड़कू अते मुरुक खिररी घड़ीनकू उडुंगनेना अरू लकवा ञेडतो होड़कू अरू ठुठा होड़कू होंकू नपाययान।

एहुना 1:46

दो नतनएल हाँय एचेरेय होंबोरतेरा, “नसरत सहर अते नाःआ इया करा उड़ी होया अवेनता?” दो पिलिपूस हाँय एचेरेय कताया, “सेनेकियानखनमे ञेल।”

मती ओजाःतेरा भगवानराः नपाय सरवन 11:5

अंधाकू ञेलतना, टुठा होड़कू सेनतना, कुड़गा होड़कू नपाययना, भइरा होड़कू अयुमेतना, गोएगतो होड़कू जियाव रिमुःतना अरू गरीब होड़कू एचेरे नपाय सरवनकू परसारगेतना।

लूका 7:23

दो ईंग बदीरे बिसवासरे बड़ियाड़कू दोहोनता हँकुःआ होड़कूराः जीव-जहन भगवान भलावाता।”