लूका 6:45 - Korwa Bible

⁴⁵ नपाय होड़ अनँयग नपाय जीवते नपाय नपाय बड़राय कताता अरू नपाये एचेयता। अरू आड होड़ अनँयग आड जीवते बेलूर बेलूर बड़राय कताता अरू बेलूरे एचेयता। आहते उडुंगगुःता हना बड़राराः सोर जीव हवे।

लूका 6:45 Referans Kwoze

इपीसी 4:29

बेगर गइताः बुतुड़ु अहापे बुतुड़ु, मनदो अपेराः बड़रा होड़कूराः बिसवास बड़ियाड़गुः लगा संघरा एमे इदा अरू हनाते हँकू जीवरे नफाकू पवाःता।

एहुना 7:38

भगवानराः कागदरे ओजाःतो इदा हनन इया ईंग एचेरेय बिसवासगेता हाँयग होड़राः इंदरी अते मेर टुटीगगुःता जीव एमेता हना दाः, नईराः दाः उड़ी तूःता।”

कुलूसी 3:16

मसीराः सरवन अपेराः जीवरे नपायतेपे दोहोगे। अरू जमालेःआ कनहूनते अँननपे अपे सेताव होड़ेंग घड़ीनपे चेड होड़ेंग। अरू अँननपेराः इंदरीरे भगवान धनियाबाद घड़ीन जाग सेरेंगकून, लंबी लंबी मसी सेरेंगकून, अरू सुद बिरुवा अगुवाइवापेता हना सेरेंगकूनपे सेरेंगगोड ञवन।

कुलूसी 4:6

अपेराः बुतुड़ु हेलेम-हेलेमते उंबार उडुंगगुःता इया होयाः, जेमहा अपे होड़कूराः जबापरे नपायते कता कुदा अवे लगापे सुदीय।

इबरानी 8:10

परबू कतायतना, हना दिनराः तयोमते इसराएलरिकुःआ होड़कू सुदा नाःआ इयायिंग कता-जमकावगेता। ईंग ईंगराः नियम हँकूराः जीवरेयिंग दोहोगोडता, अरू हँकू इंदरीरेयिंग ओजाःगोडता। ईंग हँकूरीग भगवानिंग दोहोनता अरू हँकू ईंगरिकुःआ होड़कूकू दोहोनता।

इपीसी 5:19

अँननपे अपे जाग सेरेंगकून, लंबी मसी सेरेंगकून अरू सुद बिरुवाते सगरावतो सेरेंगकूनपे सेरेंग उदुः होड़ेंग। अरू अँननपे अपेराः इंदरीते भगवान लगा सेरेंगकेडखन हाँयपे जागगोड ञवन।

मूक चेलाकू 5:3

दो पतरस कतातेड, “ने हनानियाह, आम कलउराः ओंगोल इया सलाः लगा आम जीव हाँय एचेरे चिला लगाम जिमातेरा? आम भगवानराः सुद बिरुवा एचेरे चिला लगाम लबराकिया? कियारी अकिरिंगकेडखन अदोम ढिबुवा चिला लगा हिगारकेडखनमे दोहोगोतेडा?

जूदा 1:15

भगवानराः ओंगोल अते एटाः इया गारबारकू एचेकेरा हँकुःआ जमा कसूर होड़कू अरू हाँयग ओंगोल इया कोवाकुःआ हँकुःआ कसूर होड़कू आँयग बदीरेकू कताकेरा हना जमा बेलूर बड़रा लगाय डंडियावकूता, माःआन।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।