लूका 6:36 - Korwa Bible

³⁶ अपे ईंगपे अयूम, अपेरीग अपांग भगवान सोगावाकूताय, हनन इया अपे हों एटाः होड़कूपे सोगावा।

लूका 6:36 Referans Kwoze

मती ओजाःतेरा भगवानराः नपाय सरवन 5:48

हनालगा सेरमो देसरीग अपांग उडु-बुडूत इदानिया हनन इया अपे हों उडु-बुडूतपे बड़ाँः लगा इदा।”

इपीसी 4:31

हिगार हटिंगगुः इयाःआ हटी ओंगोल अपे जीव अते चलाः एंडागोडपे। अपे कटराहा अरू रिसकट होड़कू अहापे होयाः। जमा बरानाः कड़ीग, ओपता बड़रा अरू जमा इयाःआ टेनसाहापे चलाः एंडागोड।

लूका 6:35

मनदो अपे मुदइकूपे दुलार अरू नपायकूपे। ईंग गोः कुदायतिंग, माःआन ओंगोलवाडखन अलोपे एमेय। नाःआ इया अपे एचेयतान दो, सतायरे अपे भाबी भगवानरिकुःआ लइंकू हवे, माःआन एटाः होड़कू एचेरेपे उदुःगुःता अरू अपे लगा भगवान मरंग इमाने एमेता। भगवान मेरकू धनियाबादगेयता हँकुःआ होड़कू अरू अँननकूराः नफा लगाकू ओंगलेता हँकुःआ होड़कू होंय सोगावकूता।

लूका 6:37

तोनोंगीग अहापे फड़ियावगेय दो, तोनोंगीग अपे हों ओरोकू फड़ियावतेडपेःआ। तोनोंगीग मेरपे बदीगेय दो, अपे हों ओरोकू बदीतेडपेःआ। एटाःकूराः कसूरपे बराव एंडागे दो, भगवान हों अपेराः कसूरे बराव एंडागोडता।

एकूब 3:17

मनदो भगवान अबू लगाय एमेयता हना कनहूनते मी होड़ सुद अरू सलसतिया होड़े बड़ाँःता। हाँय सोगायीग होड़े दोहोनता अरू एटाः होड़कूराः कताय मनाःता। हाँय मयादार अरू बेगर गारबारराः बिसवास अरू बेगर पाचपटी सुदा नपाय बुता एचे लगा हों मंजूरे दोहोनता।