लूका 5:24 - Korwa Bible

²⁴ अपे नाःआ कता सुदीयपे, मनुवारीग बेटातके चउंदीसरे मनुवाकूराः कसूर बराव एंडागे लगा हातपात इदा।” हनते हाँय लकवा ञेडतिरिया हाँयग होड़ एचेरेय कताया, “ईंगमे अयूम। रिमुःमे अरू आमराः पटिया रेमकेडखन ओड़ाःमे सलाव जुवाः।”

लूका 5:24 Referans Kwoze

उदुःतो कताकून 1:13

अरू हना ढिबरीकून तलारे मनुवारीग बेटात इया मी होड़ होड़िंग ञेलतेरा। हाँय मीटोंग काट वरीःआ झोलोंग सोनहेय तुसिंगकातेरा अरू हाँयराः कुड़ोमरे सोनाराः पंछा तगात दोहोना।

मूक चेलाकू 14:10

दो हाँय एचेरे पउलूस हुमइसकेय कतातेरा, “आम रेम चड़ाँः जुवाःमे।” ओहेन हाँय रेम चड़ाँयान अरू सेन लगाय बुँहड़ीगोतेड।

मूक चेलाकू 9:40

दो पतरस जमाकू बाहरीय उडुंगगोतडकू। हनते हाँय उकुड़ोमनेनखन भगवान एचेरेय अरजीतेरा। हनते हाँय मुरदा अगी उलटावनेनखने कताया, “तबीता रिमुःमे!” दो हाँय चिड़गाड़याने अरू पतरस ञेलतेडखने दुड़ुःयान।

मूक चेलाकू 9:34

दो पतरस हाँय एचेरेय कताया, “एनियास, ईसू मसी आमे नपायगोडता। नुँहू रेमकियानखन आम पटिया कोंडोड़गेमे।” हननमेला हाँय रेम चड़ाँयान।

मूक चेलाकू 5:31

भगवान अनँयग खउना तिःई गतर हाँय एचे दुड़ुःकिरिगखन राजा अरू सडावदारे तुलाकिरिया, अरूय मान मरजइतकिरिया। नाःआ अते इसराएल होड़कू अँकूराः कसूर अते जीवकू कुदाता अरू हँकूराः कसूर भगवान बराव एंडागोडता।

एहुना 17:2

आम चउंदीसरिकुःआ जमा होड़कूराः हातपातमे ओवाडिंगा। नान अते आम ईंगमे जिमावारा हँकुःआ होड़कू, ओरो टुटीगनेना हना जीविंग एमे अवेवाकूता।

एहुना 11:43

नाःआ इया कतातेडखन मुरुक सटीते ईसू कतातेरा, “ने लाजर, उडुंग वेगमे।”

एहुना 5:27

हाँय मनुवारीग बेटात हवे। हनालगा अपात होड़कूय फड़ियाव लगा बेटात हातपाते ओवाडिया।

एहुना 3:13

सेरमो देस अतेय वेगनेना हनाँयग मनुवारीग बेटात एकला सेरमो देसे सेनेकिया।”

लूका 8:54

मनदो ईसू हाँयग लँइगराः तिःई साबतेडखने कताया, “ने लँइग, रिमुःमे।”

लूका 7:14

हनते ईसू गोएगतो होड़ एचेरे सेनेवाडखन टटड़ाय टोँवावतेरा। दो तूल अअगुःआकू हँकुःआ होड़कू चड़ाँयानकू। हनमेला ईसू कताया, “ने डिंघा, आम एचेरे ईंग कतायतना, रिमुःमे।”

लूका 5:13

दो ईसू तिःई लंबावतेडखन हाँये टोँवावतेरा अरूय कताया, “ईंग चहाःतना। आम नपाय जुवाःमे।” अरू हननमेला हाँय कुड़गा बेमारीतेय नपाययान।

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

मती ओजाःतेरा भगवानराः नपाय सरवन 26:64

दो ईसू कतातेड, “आम अनम कताकेरा। मनदो ईंग अपे एचेरेयिंग कतायतना, अपे मनुवारीग बेटात, अगम जंगरदार भगवानराः खउना गतर दुड़ुःतो अरू सेरमो देस अते बदरीरे उतराव वेगतोपे ञेलेयता।”

मती ओजाःतेरा भगवानराः नपाय सरवन 25:31

“मनुवारीग बेटात मरंग राजा इया सेरमो देसरिकुःआ बराहीलकू सुदाय वेगता हनमेला, हाँय अनँयगराः गदीरे भगवानराः हातपाततेय दुडुःता।

मती ओजाःतेरा भगवानराः नपाय सरवन 16:13

ईसू कइसरिया पिलिपी छतररेय सोदोरनेन दो हाँय अनँयग चेलाकूतेन एचेरेय होंबोरतेरा, “होड़कू मनुवारीग बेटात इये हवे माःआनकू कतायता?”

मती ओजाःतेरा भगवानराः नपाय सरवन 9:6

मनदो अपे नाःआ कता सुदीयपे, मनुवारीग बेटातके चउंदीसरे मनुवाकूराः कसूर बराव एंडा लगा हातपात इदा।” हनते ईसू लकवा ञेडतिरिया हाँयग होड़ एचेरेय कताया, “रिमुःमे अरू आमराः पटिया रेमकेडखन ओड़ाःमे सलाव जुवाः।”

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

लूका 5:18

अरू तोनोंग तोनोंग होड़कू ईसू एचेरे मी होड़ लकवा ञेडतिरिया हाँयग होड़ खटीतेकू तूल अगूतिरिया। मुरुक बगरा होड़कू ओड़ाः पेंदारेकू पेरेगकुःआ। हनालगा हँकू हाँय ईसू एचेरे मेरकू गोः अवेगडीग।

लूका 5:23

उदुःगेपे, ईंग आमराः कसूरिंग बराव एंडाकेरा माःआन कता लगा, जा रेमवाडखन सेनमे माःआन कता लगा रिता इदा?