लूका 5:15 - Korwa Bible

¹⁵ ईसूराः बदीरे मुरुक तान तानरिकुःआ होड़कू सुदीगोतेड अरू मुरुक बगरा होड़कू ईसूराः बड़रा अयूमगे लगा अरू अँननकूराः बेमारी अते नपायगुः लगा हाँय एचेरेकू जुमाःआ।

लूका 5:15 Referans Kwoze

लूका 12:1

हनमेला हजार हजार होड़कू ईसू एचेरेकू जुमावनेना अरू मुरुककू चोड होड़ेंगा। ईसू मड़ंग, चेलाकूतेन एचेरेय कता बुँहड़ीतेरा, “फरीसी होड़कू मेड अंजउड़ीकू एचेयता अरू हान सेबेल सोड़ा इया सेड़याव जुवाःता। हनालगा हँकू अते अपे सवासितीपे दोहोन।

मरकूस 1:45

मनदो हाँय हान अगीते सेनेडखन जमा होड़कू एचेरेय कताया, ईसू ईंगे नपायकेरा, माःआन। हनालगा ईसू तोनोंगाः सहररे ओरोय सेने अवेगान अरू हाँय टयंगाब ततेररेय दोहोना। हनारे हों होड़कू एटाः एटाः देस अगीते ईसू एचेरेकू वेजेडा।

मती ओजाःतेरा भगवानराः नपाय सरवन 9:26

नाःआ सरवन हना देसरिकुःआ मुरुक बगरा होड़कू एचेरे सितरावयान।

मरकूस 1:28

अरू ओहेन जमा गलील छतरराः डोबरा भइर ईसूराः ञाव जगावयान।

एहुना 6:2

ईसू बेमरियाकूय नपायतेरा हना बयाव जुवाः इयाःआ बुताकून होड़कू ञेलतेरा। हनालगा हाँय देह दूर मुरुक बगरा होड़कू ओतोंग सेना।

लूका 14:25

मुरुक बगरा होड़कू ईसू सुदाकू सेना। दो ईसू हँकू अगी उलटावनेनखने कताया,

मरकूस 3:7

हनते ईसू अरू आँयगरिकुःआ चेलाकू हना सहर अते गलीलराः हुडिंग समुंदर अगीकू सेनेडा अरू गलील छतर अरू एहूदिया छतर अते मुरुक होड़कू हंडा हाँय तयोम तयोमकू सेनेडा।

1 तिमुतियूस 5:25

हनन इया होड़कूराः तोनोंग तोनोंग नपाय बुता हों जमा होड़कू सुदीगोडता, मनदो तोनोंगीगराः नपाय बुता मेर सुदी अवेनता हनारे हों हना नपाय बुता मेर ओको अवेनता।

मती ओजाःतेरा भगवानराः नपाय सरवन 9:31

मनदो हँकिन सेनेवाडखन हना देसरे जमा होड़कू एचेरे हाँय बदीरेकिन कतागोतेड।