लूका 5:11 - Korwa Bible

¹¹ हनते हँकुःआ होड़कू डोंगा, दाः धरीरेकू ओर उडुंगतेरा अरू हँकू जमा बरानाः अड़ाःतेडखन ईसूरिकुःआ चेलाकू बड़ाँवयान।

लूका 5:11 Referans Kwoze

मती ओजाःतेरा भगवानराः नपाय सरवन 4:20

दो हननमेला हँकिन अँकिनराः फेका जालकून अटू एंडातेडखन ईसूरिकिनाः चेलाकिन बड़ाँवयान।

लूका 5:28

दो लेवी जमा बरानाःए अड़ाःतेड, हंडातेय रेमनेन अरू ईसूरीग चेला बड़ाँवनेनखन हाँय देह दूर तोराय।

मती ओजाःतेरा भगवानराः नपाय सरवन 19:27

दो पतरस ईसू एचेरेय कतातेरा, “अले दो जमा बरानाः अड़ाः एंडाकेडखन आम देह दूरले वेगकिया। दो अले चिलाले पवाःता?”

मरकूस 10:21

ईसू हाँयग होड़ अगीय ञेला अरू हाँय दुलारवाडखने कताया, “आम मीटोंग कता अरूम एचेय। आमराः जमा जइतकून अकिरिंगवाडखन गरीब होड़कूम हटिंगगोडवा। दो आम सेरमो देसरे मुरुक नपाय नपाय इमानमे पवाःता। हना तयोमरे आम ईंगरीग चेलाम बड़ाँः।”

मती ओजाःतेरा भगवानराः नपाय सरवन 10:37

अनँयग एंगात सहे अपात, ईंग अते बगराय दुलारगेयता हाँयग होड़, ईंग जुकूर कोवाया। अरू ईंग अते बगरा, बेटात सहे बिटीते दुलारता हाँयग होड़ हों ईंग जुकूर कोनोवाया।

मती ओजाःतेरा भगवानराः नपाय सरवन 4:22

अरू हँकिन ओहेन डोंगा अरू अँकिनरीग अपात अटूतेडखन ईसूरिकिनाः चेलाकिन बड़ाँवयान।

मती ओजाःतेरा भगवानराः नपाय सरवन 19:29

अरू अँनकूराः ओड़ाः सहे वपक-बोपोहकूतेन सहे अपात, लइंकूतेन सहे दोहोड़कून ईंग लगाकू अड़ाःगोतेडा, हँकू मी सव गुनाकू पवाःता अरू ओरो टुटीगनेना हना जीवकू पनावाःता।