लूका 5:10 - Korwa Bible

¹⁰ नँकूरिकुःआ सउंगताकूरे जबदीरिकिनाः बेटाकिन एकूब अरू एहुना हों दोहोना। अरू हँकिन होंकिन ञेल बयावयान। दो ईसू सिमोन एचेरेय कताया, “अहम बोर! तिसिंग वरीते आम हकूकू ओरोम साबतेडकुःआ मनदो तिसिंग वरीते आम ईंग अगी होड़कू राः अगूदारिंग बड़ाँवमेता।”

लूका 5:10 Referans Kwoze

मती ओजाःतेरा भगवानराः नपाय सरवन 13:47

ईसू अरू मीटोंग अउल-तउल कहड़ीय कतातेरा, “भगवानराः राइज समुंदरेकू एनेगता हना मरंग जाल इया इदा। हना जाल दाःरेकू तेकेगोडता दो जमा इयाकुःआ हकूकू गरोम जुमावगोडकूता।

मती ओजाःतेरा भगवानराः नपाय सरवन 4:19

दो ईसू हँकिन एचेरेय कताया, “ईंग देह दूरबा वेग। दो ईंग एचेरे अबा होड़कू राः अगूदारिंग बड़ाँवबाता।”

मरकूस 1:17

ईसू हँकिन एचेरेय कताया, “ईंग देह दूरबा वेग। दो ईंग एचेरे अबा होड़कू राः अगूदारिंग बड़ाँवबाता।”

लूका 5:7

एटाः डोंगारेकू दोहोना हँकुःआ सउंगताकूतेन तिःईते गवीगतेडकूखनने कताया, “अलेपे संघरावा।” हनते हँकू वेगवाडखन बार डोंगा हकूकूकू सोलोंग पेरेगगोतेड, जेमहा डोंगा बुडाःआ।

2 कुरिंती 8:23

तितूसराः बदीरेपे होंबरे दो हाँय ईंगरीग संग अरू अपे लगा ईंगरीग सेवा देंगवा होड़ हवे। अरू एटाः बार होड़किन कलसियारिकिनाः बराहीलकिन हवे अरू हँकिन मसीकिन मान मरजइतता।

मूक चेलाकू 2:4

हँकुःआ जमा होड़कू भगवानराः सुद बिरुवातेकू पेरेगयान अरू एटाः एटाः भासीरेकू बड़राःआ।

लूका 6:14

ईसू, पतरस माःआने ञावकिरिया हाँयग सिमोन, हाँयरीग बोहोत अंदरियास, एकूब अरू एहुना, पिलिपूस अरू बरतुलमाय,

मती ओजाःतेरा भगवानराः नपाय सरवन 20:20

हनते जबदीरिकिनाः बेटाकिनरीग एंगात बेटाकिनतेन सुदा ईसू एचेरेय सेनेडा अरू ईसू मड़ंगरे उकुड़ोमकियानखन हाँय एचेरे तोनोंगाःय असेतेरा।

मती ओजाःतेरा भगवानराः नपाय सरवन 14:27

मनदो ईसू ओहेन हँकू सुदाय बड़रानेन अरूय कतातेड, “डीड़गुःपे! ईंग हवे। अहापे बोर।”

मती ओजाःतेरा भगवानराः नपाय सरवन 4:21

हनते हँकू अरू तोरेकू सेनेड दो जबदीरिकिनाः बेटाकिन एकूब अरू एहुना, ईसू ञेलतेडकिना। हँकिन अपात सुदा डोंगारे दुड़ुःकेडखन जालकू तुला सोझावा। दो ईसू हँकिन होंय राःतेरा,

लूका 5:9

सिमोन अरू हाँयरिकुःआ सउंगताकू नाःआमिन हकूकू ञेलतेडकूखनकू बयावयान।

एहुना 21:2

सिमोन पतरस, दिदिमूस माःआनकू कतावाया हाँयग तोमा, गलील छतरराः काना सहररीग नतनएल, जबदीरिकिनाः बेटाकिन, अरू बार होड़ एटाः चेलाकिन हों मिनीरेकू जुमावनेना।

2 तिमुतियूस 2:26

अरू कलउ मड़ंगरे हँकुःआ होड़कू आँयग ओंगोल इया एचेगे लगाय अडिगतेडकुःआ हना जालतेकू बनसाव जुवाःता।