लूका 5:1 - Korwa Bible

¹ मी दिन ईसू गेनेसेरेत ञावराः हुडिंग समुंदर धरीरे चड़ाँनेनखने चेचेडा। भगवानराः सरवन अयूम लगा मुरुक बगरा होड़कू मिनीरे जुमावनेनखन ईसू एचेरेकू रेहेड तेपेडा।

लूका 5:1 Referans Kwoze

मरकूस 3:9

मुरुक होड़कू दोहोना हनालगा, ईसू आँयग चेलाकू एचेरेय कतातेड, “मीटोंग डोंगा ईंग लगा सपड़ावगोडपे जेमहा नँकुःआ होड़कू ईंगकू अलोकू रेहेड-तेपेडगे।”

मती ओजाःतेरा भगवानराः नपाय सरवन 14:34

ईसू अरू चेलाकूतेन हुडिंग समुंदर अते मार परोमरे उतरावनेनखन गेनेसेरेत छतररेकू सोदोरनेना।

मरकूस 6:53

ईसू अरू आँयगरिकुःआ मूक चेलाकू हुडिंग समुंदर पारनेनखन गेनेसेरेत छतररेकू सोदोरनेना अरू हँकू डोंगा, समुंदर अतेकू उडुंग अटूड।

मती ओजाःतेरा भगवानराः नपाय सरवन 11:12

बतिसमा एमेयीग होड़ एहुनाराः बेला अते नुँहू वरी भगवानराः राइजरे मुरुक बगरा होड़कू रेनहा-पेलहाकू बोलतना अरूकू हातपातगेतना।

लूका 12:1

हनमेला हजार हजार होड़कू ईसू एचेरेकू जुमावनेना अरू मुरुककू चोड होड़ेंगा। ईसू मड़ंग, चेलाकूतेन एचेरेय कता बुँहड़ीतेरा, “फरीसी होड़कू मेड अंजउड़ीकू एचेयता अरू हान सेबेल सोड़ा इया सेड़याव जुवाःता। हनालगा हँकू अते अपे सवासितीपे दोहोन।

मरकूस 5:24

दो ईसू हाँय सुदाय सेनेडा। अरू सेनेन सेन दूररे मुरुक होड़कू हों रेहेड-तेपेडकू सेनेडा।

लूका 8:45

दो ईसू कताया, “इये ईंगे टोँवावकेरा?” जमा होड़कू कताया, अले मेरले टोँवावगाडमेःआ, माःआन। दो पतरस कताया, “परबू, नंडा मुरुक बगरा होड़कू इदा अरू आम एचेरेकू रेहेड-तेपेडतना।”

मरकूस 4:1

एटाः दिन ईसू हुडिंग समुंदर धरीरे होड़कूय चेडा। हाँय एचेरे मुरुक होड़कू जुमावनेना। हनालगा ईसू मीटोंग डोंगारे देगनेनखने दुड़ुःयान अरू जमा होड़कू हुडिंग समुंदर धरीरे ओतरेकू दोहोना।

लूका 5:2

ईसू समुंदररे बारटोंग डोंगाय ञेलतेरा। तोनोंग तोनोंग केंवटा होड़कू हना डोंगा हंडा अटूवाडखन फेका जालकूनकू बुहाला।

लूका 8:22

मी दिन ईसू आँयग चेलाकू एचेरेय कताया, “दो अबू नाःआ हुडिंग समुंदर मार परोमबू सेने पारता।” हनते हँकू डोंगारे देगकियानखन मार परोम तोराकू।

लूका 8:23

दो ईसू डोंगारेय अपीगयान। हनमेला हना समुंदररे मुरुक गड़रा घटा सलाःआ। अरू डोंगारे दाः पेरेगगुःआ। दो अँकूराः जीव मुरुक ससतारे दोहोना।

लूका 8:33

दो हँकुःआ भूतकू हाँयग होड़ अते उडुंगकियानखन सुकरीकू एचेरेकू बोलोयान। दो सुकरीकू दरा अते बतकाव उतरावनेनखन समुंदररेकू बोलो बुडावयान।

एहुना 1:40

दो एहुनाराः कताकिन अयूमतेरा अरू ईसूरिकिनाः चेलाकिन बड़ाँवनेना, हँकिन अते मी होड़राः ञाव दोहोना अंदरियास। हाँय सिमोन पतरसरीग बोहोते दोहोना।

एहुना 6:1

तोनोंग दिन तयोमरे ईसू अरू आँयगरिकुःआ चेलाकू गलील छतर तोराकू। हना ततेरते हँकू गलील ञावराः हुडिंग समुंदरराः मार परोम तोराकू। (हना हुडिंग समुंदरराः एटाः ञाव दोहोना तिबिरियास।)

इबरानी 13:7

भगवानराः सरवनकू कता उदुःवातेडपेःआ हँकुःआ मूक होड़कूपे उहियारकू अरू हँकूराः नपाय जीवते चिला नफा होयाःतना हना ञेलकेडखन अपे हों हँकू इया भगवान एचेरे बिसवासकेडखनपे सलाः।