लूका 4:35 - Korwa Bible

³⁵ दो ईसू भूत एचेरेय हुकुमतेरा, “अचीमे! नाँय अड़ाःगोडेयमे।” दो भूत जमाकू मड़ंगरे हाँयग होड़े एचे कसड़गोतेडीग। मनदो तोनोंग इया मेरेय हानीगडीग अरू हाँय अतेय उडुंगयान।

लूका 4:35 Referans Kwoze

लूका 4:41

भूतकू मुरुक बगरा होड़कू अतेकू उडुंगयान अरू खिररी घड़ीनकू कताया, आम भगवानरीग बेटा हवे, माःआन। हँकुःआ भूतकू सुसुदीःआ ईसू, मसी हवे, माःआन। हनालगा हाँय हँकूय डंटावतेरा अरू मेरेय बड़रा ओवागाडकू।

लूका 4:39

दो ईसू हाँय कुटीरे चड़ाँनेनखन जार अड़ाःगे लगाय हुकुमतेरा। अरू जार अड़ाःगोतेडीग। सिमोन हनहारतो हननमेला रेमवाडखन हँकूय सेवातेरा।

मती ओजाःतेरा भगवानराः नपाय सरवन 8:26

दो ईसू हँकू एचेरेय कताया, “ने हुडिंग बिसवास होड़कू। अपे चिला लगापे बोरतना?” हनते हाँय रेमनेनखन गड़रा घटा अरू लहरा रोंकाः लगाय कतातेड अरू होय मधिमयान।

उदुःतो कताकून 12:12

हनालगा सेरमो देसरे इदानपेःआ, अपे जमाकू बनाहाल जुवाःपे। मनदो ने चउंदीसरिकुःआ अरू समुंदररिकुःआ जिया-जउतकून, दरहा अपे एचेरेय उतरावकिया। हाँय एचेरे गुनिनमिन बेला इदा माःआन सुदीकेडखन, हाँय रीस रंजावतो इदानिया। हनालगा अपे दोपे ठीकयना।”

लूका 11:22

मनदो हाँय एचेरे आँयग अते बगरा जंगरदार होड़ वेगता दो, आँयग असरागेःआ हना कड़ीगराः अवजारकून बगरा जंगरदार होड़ लुड़ीगोःयाता अरू हाँय ओड़ाःराः जमा जइतकून गोःवाडखने हटिंगगोडता।

लूका 9:42

हाँयगरीग बेटा वेग मेला भूत हाँये एचे दरकावतेरा। ईसू हाँयग भूते डंटावतेरा अरू बेटात नपायनेनखन हाँयग अपात एचेरेय जिमातिरिया।

लूका 9:39

मीटोंग भूत हाँय एचेरेय समसाःता अरू हाँय मुरुके एचे खिररीयता। भूत हाँय एचेरे असवारकियानखने एचे डोलावगोयता अरू आहते पोतो उडुंगता। नान इयाय होया जुवाःता अरू भूत मेरेय अड़गेयता।

लूका 8:24

हँकू ईसूकू बेरेडतेरा अरूकू कताया, “ने परबू, ने परबू अबू गुजुःतनाबू।” दो ईसू रेमकियानखन होय अरू लहरा रोंकाव लगाय कतातेड अरू हना गड़रा घटा रोंकावयान अरू होय ओहेन मधिमयान।

मरकूस 9:26

हनते मुरुक खिररीवाडखन अरू हाँय मुरुक एचे घोलंडावाडिगखन भूत उडुंगयाने। अरू हाँयग लँइग गोएगतो इयाय होयायान। मुरुक बगरा होड़कू कताया, “नाँयग लँइग गोएगयनाय।”

मरकूस 1:26

दो भूत हाँय एचे एकलावतिरिया अरू खिररीवाडखन हाँयग होड़ अतेय उडुंगनेना।

मती ओजाःतेरा भगवानराः नपाय सरवन 17:18

हनते ईसू हाँयग भूते डंटावतेरा अरू भूत डिंघा अतेय उडुंगयान अरू हनन मेला हाँयग डिंघा नपायबाःयान।

मरकूस 4:39

दो ईसू रेमनेनखन हना गड़रा घटा रोंकाः लगाय कतातेरा। दो हननमेला होय अरू लहरा रोंकावयान अरू होय ओहेन मधिमयान।

लूका 4:23

हाँय हँकू एचेरेय कतातेड, “जूग परियारेकू कताया हना कता अपे ईंग बदीरेपे कनातायता, ने जिड़ीदार, आम अनम नपायगुः। अरू अपे नाःआ इया होँपे कतायता, आम कपरनहूम सहररेम एचेतेरा हना इया नपाय बुता आम गाँवरे होंम एचेय।”