लूका 4:32 - Korwa Bible

³² ईसू हातपात पवावतो होड़ इयाय चेडकुःआ अरू हँकुःआ होड़कू हाँयराः बड़रा अयूमवाडखनकू बयावयान।

लूका 4:32 Referans Kwoze

लूका 4:36

हनते जमाकू मुरुककू बयावयान अरूकू कता होड़ेंगा, नाँय करा इयाय हुकुमतेरा? नाँयराः हुकुमते भूतकू हों होड़कू अतेकू ञीर जुवाःता। हनालगा नाँयके मुरुक जंगर अरू हातपात इदा, माःआन।

एहुना 6:63

भगवानराः सुद बिरुवा जीवे एमेता, मनदो मनुवाकू अते कहिसाः मेर होयाःता। ईंग कतातेरा हना सरवन भगवानराः सुद बिरुवा अगीतेयिंग कतातेरा अरू हनानाः कता अपे लगा जीव एमेयता।”

तितूस 2:15

ने तितूस, जमा हातपातते नाःआ कताकूनमे चेडकू अरूम कता बहालकू अरूम सुधरावकू। मनदो तोनोंगीग आम हुडिंग ओंगोलगे लगा अहम ओवाकू।

1 तिसलूनिका 1:5

ईसू मसीराः नपाय सरवन अले अते अँननलेराः आहराः बड़रा एकला मेरपे अयूमकेरा, मनदो हान सुद बिरुवाराः जंगरते अरू पका-निका बिसवासते दोहोना। अपे नाःआ होँपे सुदीयतना, अले अपे तलारेले दोहोन मेला अपेके नफा होयाः लगाले जियावनेना माःआन।

2 कुरिंती 4:2

मनदो ओनोक दनंगकू एचेयता हना गियुः इयाःआ बुताकूनले अड़ाः एंडागोतेरा। अले चलहू होड़कू इया मेरले सलाःता अरू भगवानराः सरवनरे एटाः तोनोंगाः सरवन मेरले मेसायता। मनदो अले बदीरे भगवान सुनुदीबाःगोडता, हँकू जमा होड़कू एचेरे ईंगराः सताय सरवनकू कता उदुःगेता, माःआन। नाःआते अले बदीरे जमा होड़कू अँननकूराः इंदरीरेकू सुदीबाःगोडता, हँकू भगवान ननायगुः जुकूर इदानकुःआ, माःआन।

मरकूस 1:22

हाँय नियम चेडदार होड़कू इया मेरेय चेडगाडकू, मनदो हातपात पवावतो होड़ इयाय चेडतेडकुःआ। हनालगा जमा होड़कू हाँयराः चेडतो अयूमवाडखनकू बयावयान।

लूका 2:47

ईसूराः कनहून अरू हाँयराः बड़रा अयूमकेडखन जमा होड़कू बयावयान।

लूका 4:33

दो भूत समसावनेना हाँयग मी होड़ हना अरजी ओड़ाःरेय दोहोना। हाँय खिररी घड़ीने कताया,

एहुना 7:46

दो हँकू कतातेड, “तोनोंगीग होड़ हाँयराः कता इया मेरकू कतागरा।”