लूका 4:22 - Korwa Bible

²² जमा होड़कू हाँय बदीरे नपायकू कताया। अरू हाँय कताया हना बड़रा अयूमतेडखन जमा होड़कू बयावयानकू। हँकू कता होड़ेंगा, “नाँय दो उनूसूपरीग बेटा ना लवे जा?”

लूका 4:22 Referans Kwoze

एहुना 6:42

अरू हँकू कतातेड, “नाँय उसूपरीग बेटात ईसू हवे जा? हाँयरिकिनाः एंगा-अपाकिन हों सुसुदीतनाबू। दो नाँय करा उड़ीय कता अवेयता, ईंग सेरमो देस अतेय उतराव वेगकिया, माःआन?”

तितूस 2:8

होड़कू ओरोकू ओपता अवेतेरा हनन इया खरतेम चेडकू। दो आमकू घंटावता हँकुःआ होड़कू हना सरवनते तोनोंगाः बेलूर बड़राकू कताय लगा दाव ओरोकू पवावनेना अरूकू गियू जुवाःता।

मूक चेलाकू 6:10

मनदो हाँय हँकूराः कताकून कता कुदागे लगा भगवानराः सुद बिरुवा हाँय कनहूने एमेवातिरिया। हनालगा हँकू हाँय एचेरे मेरकू कता कुदा अवेगाड।

एहुना 7:46

दो हँकू कतातेड, “तोनोंगीग होड़ हाँयराः कता इया मेरकू कतागरा।”

लूका 21:15

हननमेला अपे हँकू सुदा बड़रा लगा कनहूनिंग एमेवापेता। अपेराः हना बड़रा अयूमकेडखन अपेरिकुःआ मुदइ होड़कू ओरोकू हरुवाव अवेतेडपेःआ अरू ओरोकू घंटाव अवेतेडपेःआ।

लूका 2:47

ईसूराः कनहून अरू हाँयराः बड़रा अयूमकेडखन जमा होड़कू बयावयान।

लूका 2:48

दो ईसूरिकिनाः एंगात अपात ईसू हंडा नियम चेडदार होड़कू सुदा ञेलवाडीगखन मुरुककिन बयावयान। अरू मरियम ईसू एचेरेय कताया, “ने बाबू, आम चिला लगा अलिंग सुदा नाःआ इयाम एचेकेरा? ईंग अरू आमरीग अपांग आम ञाम ञामलिंग पड़ूयना।”

लूका 4:21

हनमेला हाँय हँकू एचेरेय कताया, “भगवानराः कागदरे ओजाःतो इदा हना दो अपेके अअयूमरे नुँहू पुरावयना।”

एहुना 1:45

दो पिलिपूस, नतनएल सुदा जुमावनेनखन हाँय एचेरेय कतातेरा, “भगवानराः नियम कागदरे मोसेस अरू भगवानराः बड़रा कता होड़कू इये बदीरेकू ओजाःतेरा, हाँयग होड़ सुदाले जुमावनेना। अरू हनाँय हवे नसरत सहररीग उसूपरीग बेटात ईसू।”