लूका 3:8 - Korwa Bible

⁸ सींग दूब नपाय जोःओ जोःता, हना इया कसूर अते जीव कुदाकेडखन अपे नपाय जीवपे जियाः। अपे अहापे कताय, इबराहीम अलेरीग खुटिपहार होड़ हवे अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

लूका 3:8 Referans Kwoze

मूक चेलाकू 26:20

मड़ंगरे दिमसकूस सहररिकुःआ होड़कू, अरू हनते एरुसलेमरिकुःआ होड़कू, अरू जमा एहूदिया राइजरिकुःआ होड़कू, अरू बेगर एहूदाकू जमाकू अँकूराः जीव कसूर अते भगवान अगी कुदाकेडखन, भगवानराः ओंगोल इयाःआ बुताकूनकू एचेय लगा ईंग परसारगोड ञवना।

मती ओजाःतेरा भगवानराः नपाय सरवन 21:43

हनालगा ईंग अपे एचेरेयिंग कतायतना, भगवानराः राइज अपे अते चलाः एंडा जुवाःता अरू नपाय जोःओकू जोःता हँकुःआ एटाः जइत होड़कू हनाकू पवाःता।

पिलिपी 1:11

नाःआ इयाःआ नपाय लूर-नेवन ईसू मसीते अपेराः जीवरे होयाःता, अरू हनाते होड़कू भगवानकू जाग अरूकू मान मरजइतगेय।

रूमी 9:7

अरू हँकू इबराहीमरिकुःआ नइड़-बाँस होड़कू होयाकियान अते सतायरे हाँयरिकुःआ लइंकू ओरोकू बड़ाँवनेना। इबराहीमरिकुःआ मुरुक बगरा लइंकू दोहोना, मनदो भगवान हाँय एचेरेय कतातेरा, “आमरीग बेटा इनिसहाकते आमरिकुःआ नइड़-बाँस होड़कू बड़ाँःता।”

रूमी 4:16

दो नियम इया सलाः लगाकू कुरनिसगेता हँकुःआ होड़कू कोवान, मनदो इबराहीम इया भगवान एचेरेकू बिसवासगेता हँकुःआ होड़कू भगवानराः जबानकू पवाःता। नाःआ जबान भगवान एचेरे बिसवासगे अते इमान इया इबराहीमरिकुःआ जमा नइड़-बाँस होड़कू होंकू पवाःता।

लूका 19:40

दो हाँय हँकू एचेरेय कतातेरा, “नँकू कलेकालकू दोहोन दो नाःआ दिरिकून खिररी रेम जुवाःता।”

एहुना 8:33

हनते हँकू कतातेड, “अले इबराहीमरिकुःआ नइड़-बाँसकू इदानलेःआ अरू अले तोनोंगीगरीग बेगारी होड़ मेरले बड़ाँवगान। दो आम करा इयाम कतायतना, अपे अजइत जुवाःतापे, माःआन?”

एहुना 8:39

दो हँकू हाँय एचेरेकू कता कुदातेरा, “अले इबराहीमरिकुःआ नइड़-बाँस होड़कू इदानलेःआ।” दो ईसू कतातेड, “अपे इबराहीमरिकुःआ नइड़-बाँसपे दोहोकुः दो इबराहीम एचेया हनन इया अपे होँपे एचेकेःआ।

मती ओजाःतेरा भगवानराः नपाय सरवन 3:8

सींग दूब नपाय जोःओ जोःता, हना इया कसूर अते जीव कुदाकेडखन अपे नपाय जीवपे जियाः।

मती ओजाःतेरा भगवानराः नपाय सरवन 3:9

अपे अहापे ओंगोलगे, इबराहीम अलेरीग खुटिपहार होड़ हवे, अरू हनाते अले बनसाव जुवाःता, माःआन। अपे ईंगपे अयूम, नाःआ दिरिकूनते हों इबराहीम लगा लइंकू भगवान जनमाव अवेकूताय।

लूका 5:21

फरीसी होड़कू अरू नियम चेडदार होड़कू अँननकू जीवरेकू ओंगोलतेरा, भगवान बदीकेडखने कतायतना नाँयग होड़ इये हवे? भगवान अड़ाःकेडखन इये कसूरे बराव एंडा अवेयता, माःआन।

लूका 13:25

मी दिन ओड़ाःरीग मालिक रेमवाडखन ओड़ाः दुवारेय सींगगोडता। बहरीकू दोहोनता, हँकुःआ होड़कू टोकोः घड़ीनकू सालता, ने परबू अले लगा दुवारमे गीग, माःआन। दो हाँय कतायता, ईंग अपे मेरिंग सिनहापेतना। अपे करेकुःआ हवे, माःआन?

लूका 13:26

दो अपे कतायता, अले आम सुदा मिनीरेले जोम ञूःआ अरू आम अलेराः बजाररेम चेचेडा, माःआन।

लूका 14:9

दो आम अरू हाँयग मरंग होड़ लगा टिवाय एमेकेरा, हाँय वेगकियानखन आम एचेरेय कतायता, नाँय दुड़ुः लगाम एमेवाय, माःआन। दो हननमेला आम गियुःकियानखन जमाते हुडिंग ततेररे दुनुड़ुः पराःता।

लूका 19:9

दो ईसू हाँय बदीरेय कताया, “नाँय हों इबराहीमरिकुःआ नइड़-बाँस होड़कूरीग बेटा हवे। हनालगा तिसिंग भगवान नाँय अरू नाँय ओड़ाःरिकुःआ होड़कूय सडावकेरा।