लूका 3:7 - Korwa Bible

⁷ दो एहुना एचेरे बतिसमा गोः लगाकू वेगा हँकुःआ होड़कू एचेरे हाँय कताया, “ने महुरा बींग इया होड़कू, दरवाःआ हना डंडियाव पवाः अते बनसाः लगा इये सेतावतेडपेःआ?

लूका 3:7 Referans Kwoze

मती ओजाःतेरा भगवानराः नपाय सरवन 23:33

ने महुरा बींग इया होड़कू, भगवान अपे डंडियावकेडखन नरगरे सोलोंगपे अते करा उड़ीपे बनसावगुःता?

1 तिसलूनिका 1:10

अरू गोएगतो अते भगवान जियाव रेमकिडिया आँयगरीग बेटात भगवानराः दरवाःआ हना डंडियाव अतेय सडावबूता हनाँयग ईसू सेरमो देस अतेय कुदा वेगता, हाँयकू टकागोड ञवनतना, माःआन।

मती ओजाःतेरा भगवानराः नपाय सरवन 12:34

ने महुरा बींग उड़ी होड़कू, अपे बेलूर इदानपेःआ दो, करा उड़ी अपे नपाय नपाय बड़रापे कता अवेयता? अबूराः आहते उडुंगगुःता हना बड़राराः सोर अबूराः जीव हवे।

1 एहुना 3:8

कलउ दो मनाड़ंग जूग वरीतेय कसूरगोड ञवानतना। नानलगा कसूरगेता हँकुःआ होड़कू कलउरिकुःआ होड़कू हवे। अरू भगवानरीग बेटात कलउराः जमा बुता लाय एनेंडागे लगा चउंदीसरेय वेजेडा।

इबरानी 6:18

दो भगवान अबू सुदाय जबानकेरा, अरू मीटोंग किरिया होंय जोमकेरा। भगवान कहियो ओरोय लबरा अवेनेना। हनालगा नाःआ बनर कहियो ओरो टगावनेना। अरू अबू हाँय एचेरे दांगगुः लगाबू बतकावकिया दो, मुरुक डीड़कियानखन अबू मड़ंगरे इदा हना असराबू पवाव अवेन।

मूक चेलाकू 13:10

“आम कलउरीग बेटात अरू जमा सताय कतारीग मुदइ हवे। आम जमा बरानाः लबरा अरू अडिग अकामते पेरेगतो इदानमेःआ। परबूराः बदीरे सनातायतो इदा हना कता एचे बदलावाडखन लबरा कता तुला अते तोरेम दोहोन।

एहुना 8:44

कलउ अपेरीग अपांग हवे अरू हाँयराः ओंगोल इया एचेय लगापे चहाःता। हाँय मनाड़ंग वरीते होड़कूय ञेड गोएगता अरू तोनोंग इयाःआ सताय हाँय एचेरे कोवानेःआ। हनालगा हाँय भगवानराः सताय सरवने हिनइस-बिनइसवाता। हाँय लबरा इदानिया अरू जमा बरानाः लबरा हनाँय अगीते उडुंगगुःता। हनालगा हाँय अनँयगराः लूर-नेवन इया लबरा बड़राय कतागोड ञवनता।

मती ओजाःतेरा भगवानराः नपाय सरवन 3:6

अँनकूराः कसूरकू कबुलावनेना, हँकुःआ होड़कू लगा एहुना बतिसमाय एमेतेरा।