लूका 3:11 - Korwa Bible

¹¹ दो हाँय हँकू एचेरेय कताया, “तोनोंगीग होड़ एचेरे बारटोंग अंगा इदान दो, अंगा कोवानेःआ, हाँय लगा मीटोंग अंगाय हटिंगगोड। अरू तोनोंगीग एचेरे जोम जिनिस इदान दो जोम लगा कोवानेःआ, हाँयग होड़ लगाय हटिंगगोड।”

लूका 3:11 Referans Kwoze

1 एहुना 3:17

तोनोंगीग होड़ एचेरे जोम जियाः लगा मुरुक इदा अरू हाँय ञेनेलता अनँयग बिसवास वपक बोपोहकू एचेरे जोम जियाः लगा कोवानेःआ। मनदो हाँयग होड़ जोम जियाः लगा तोनोंग कोवानेःआ हाँयग होड़े सोगावडीगखन मेरेय एमेय दो हाँय एचेरे करा इया भगवानराः दुलार दोहोन?

1 तिमुतियूस 6:18

हँकू नपाय बुताकू एचेय लगा अरू मिनी जीवकियानखन जमा होड़कूकू संघरावा लगा ओसताजकू दोहोन लगाम हुकुमवाकू।

लूका 18:22

नाःआ अयूमवाडखन ईसू कताया, “आमके मीटोंग कता अरू एएचे इदा। आमराः जमा बरानाः अकिरिंगवाडखन गरीब होड़कूम हटिंगोडवा। दो सेरमो देसरे मुरुक नपाय नपाय इमानमे पवाःता। अरू नाःआ एचेकेडखन ईंग देह दूररेम ओतोंग वेग।”

1 एहुना 4:20

तोनोंगीग होड़ कतायता, ईंग भगवानिंग दुलारतना, माःआन। मनदो एटाः बिसवासी होड़कू मेरेय अलार-दुलारकूता, हाँय लबरा होड़ हवे। तोनोंगीग होड़ हाँय सुदाय दोहोनता हाँयग बिसवासी वगात मेरेय अलार-दुलार अवेयता दो मेरेय ञेलगरिया हाँयग भगवान हाँय करा इयाय अलार-दुलार अवेय?

एकूब 1:27

टुरा होड़कू अरू रंडियाहीनकू अँनकूराः सिकिसता मेलारेय संघरावाकूता अरू अनँयग जीव चउंदीसराः कसूर अतेय बनसावता हाँयग होड़राः लूर-नेवन अबूरीग अपांग भगवान मड़ंगरे, सुद अरू बेगर गारबारतेःआ लूर-नेवन हवे अरू हनानाः भगवान जुकूर इदा।

लूका 11:41

मड़ंग अपे एचेरे इदा हना जिनिसकून गरीब होड़कू लगापे एमेगोड। हनाते अपेराः जमा बरानाः सुद जुवाःता।

मती ओजाःतेरा भगवानराः नपाय सरवन 25:40

हनमेला मरंग राजा कता कुदायता, अपे ईंगपे अयूम। अपे ईंगरिकुःआ तोनोंगीग हुडिंगीग अजी बोपोहकू सुदा जे हों सकालाःपे एचेकेरा हना ईंग लगापे एचेकेरा।

इबरानी 6:10

भगवान जमालेःआ नपाये एचेयता। हनालगा अपेराः बुता अरू भगवानरिकुःआ सुद होड़कू सेवा घड़ीन हाँयपे दुलारकेरा हना, हाँय ओरोय लिड़िंगतेरा। अपे नुँहू हों हँकूपे सेवागोड ञवनतना।

मूक चेलाकू 10:31

अरूय कताया, ने कुरनेलियूस, भगवान आमराः अरजीय अयूमगोतेडा अरू गरीब होड़कूम संघरावाःआ हना हों भगवान जुकूर इदा।

मूक चेलाकू 10:4

कुरनेलियूस बोतोरते हाँय अगी मी ढिट ञेलतिरिगखने होंबरेःआ, “ने परबू, चिला हवे?” दो हाँयग बराहील कतातेरा, “आमराः अरजी अरू गरीब होड़कू लगा आम एमेतेरा हना संघराते भगवान ननाययना।

मूक चेलाकू 10:2

हाँय अरू आँयग ओड़ाःरिकुःआ जमा होड़कू भगवान मान मरजइत घड़ीनकू जागा। हाँय ससंघरा लगा दोहोना हँकुःआ गरीब होड़कूय संघरावाःआ अरू भगवान एचेरे सगर दिने अरजीःआ।

एहुना 13:29

दो ढिबुवाकूनराः बगलीराः जिमेवारी होड़ जूदा दोहोना। अरू ईसू परोब लगा कहिसाः किजा लगा सहे गरीब होड़कू कहिसाः एमेवाकू लगाय कताकेरा माःआन अदोमकू ओंगोलतेरा।

लूका 19:8

दो जकई चड़ाँनेनखने कताया, “ने परबू अयुमेमे, ईंगराः आन-धानरे अदोम ईंग गरीब होड़कू लगायिंग हटिंगगोडता। ईंग तोनोंगीग होड़ अते अडिग गोःकेड दो, हनाराः चइर गुना ईंग एमे कुदागोडवाकूता।”

इपीसी 4:28

इनिगगेःआ हाँयग होड़ अरू अहाय इनिगगे, मनदो नुँहू वरीते हाँय अनँयग तिःईते नपाये बुता जोम, जेमहा हाँय तोनोंग तोनोंग जिनिसकूनराः हुडिंग बगरा इदानकुःआ हँकुःआ होड़कूय संघरा अवेवाकू।

1 तिमुतियूस 6:17

नाःआ चउंदीसरिकुःआ गिरहत होड़कू एचेरे नाःआ कताम हुकुमवाकू, अहापे बड़वार अरू चबा जुवाःता हना ढिबुवारे अहापे असरा। मनदो अबू बहालरे दोहोन लगा जमा जिनिसकून मिनी जीवकेडखने एमेवाबूता हाँयग भगवान एचेरेपे असरा।

एकूब 2:14

ईंगरिकुःआ अजी बोपोहकूतिंग, तोनोंगीग होड़ कतायतना, ईंग ईसू मसी एचेरेयिंग बिसवासगेतना। मनदो हाँय नपाय बुता मेरेय एचेयता दो हनारे चिला नफा इदा? नानाः इयाःआ बिसवासते हाँय सडाव जुवाःताय जा?