लूका 24:27 - Korwa Bible

²⁷ हनते भगवानराः कागदरे मोसेस अरू एटाः जमा भगवानराः बड़रा कता होड़कू ओजाःकेरा हनाते अनँयग बदीरे ओजाःतो दोहोना हना जमा ईसू हँकिने कता समझावतेडकिना।

लूका 24:27 Referans Kwoze

लूका 24:44

तयोमरे हाँय हँकू एचेरेय कताया, “ईंग अपे सुदा दोहोन मेलायिंग कतातेरा, मोसेसराः नियम कागदरे, भगवानराः बड़रा कता होड़कूराः कागदरे अरू सेरेंगकून कागदरे ईंग बदीरे ओजाःतो इदा, हना जमा कता हनन इया होनोयाः इदा।”

मूक चेलाकू 10:43

हाँय बदीरे भगवानराः बड़रा कता होड़कू जमाकू कता उदुःगेता, तोनोंगीग होड़ हाँय एचेरेय बिसवासगे दो हाँयराः ञावते हाँयग होड़राः कसूर भगवान बराव एंडागोडता।”

एहुना 5:39

अपे भगवानराः कागदते तिंगीड घड़ीन चिडुः लगापे कुरनिसगेतना। नाःआ अते अपे ओंगलेता, ननते अले ओरो टुटीगनेना हना जीवले पवाव जुवाःता, माःआन अरू ननानाः कागद ईंग बदीरे हिदइत एमेयता।

एहुना 1:45

दो पिलिपूस, नतनएल सुदा जुमावनेनखन हाँय एचेरेय कतातेरा, “भगवानराः नियम कागदरे मोसेस अरू भगवानराः बड़रा कता होड़कू इये बदीरेकू ओजाःतेरा, हाँयग होड़ सुदाले जुमावनेना। अरू हनाँय हवे नसरत सहररीग उसूपरीग बेटात ईसू।”

लूका 24:25

दो ईसू हँकिन एचेरेय कताया, “ने बोको होड़किन, भगवानराः बड़रा कता होड़कू कताया हना जमा बड़रा अबा गते-गातबा बिसवासगेतना जा?

मूक चेलाकू 7:37

ईंग इया मी होड़ भगवानराः बड़रा कतायीग होड़ अपे अँननपे होड़कू लगा भगवान वारेयता, माःआन इसराएल होड़कू एचेरेय कतातेरा हाँयग होड़ ननाँयग मोसेस हवे।

मूक चेलाकू 3:24

सनातायरे भगवानराः बड़रा कता होड़ समुएलराः परिया जूग वरीतेकुःआ भगवानराः बड़रा कता होड़कू जमाकू हों नाःआ बेलाराः बदीरेकू कता उदुःगेःआ।

मूक चेलाकू 3:22

मोसेस हनाँयग बदीरेय कतातेरा, आमरीग परबू भगवान अपे लगा ईंग इया मी होड़ होड़ भगवानराः बड़रा कतायीग होड़ अपे तलारेतेय वारेयता। दो हाँय चिन चिलाय कतायता हना जमाकूनपे मनाः।

उदुःतो कताकून 19:10

हनते ईंग हाँय जाग लगा हाँयराः काट कुटीरेयिंग तबेरनेना। मनदो हाँय ईंग एचेरेय कतातेड, “नाःआ इया अलोम एचेय। आम अरू एटाः बिसवासी होड़कू इया, ईंग हों ईसूरीग सेवकिया हवे। आम इया ईंग हों ईसूराः हिदइतिंग उदुःता। अरू भगवानराः बड़रा कता होड़कू हों ईसूराः हिदइतकू उदुःता। हनालगा भनगवानमे जाग।”

मरकूस 4:34

अरू हाँय बे कहड़ीरे हँकू एचेरे तोनोंग मेरेय कतागाड, मनदो आँयगरिकुःआ चेलाकू एचेरे नाःआ जमा कहड़ीकूनराः मतलोबे एचे सुदीतेडकुःआ।

एहुना 5:37

ईंगे वारकेरा हाँयग अपांग, ईंग बदीरे हिदइते एमेकेरा। मनदो अपे हाँयराः बड़रा मेरपे अयूमगरा अरू हाँय मेरपे ञेलगडिया।

एहुना 12:41

मनदो एसयाह मड़ंगरे ईसूराः मान मरजइतेय ञेलतेरा। हनालगा हाँय हाँय बदीरे नाःआ कताय कता उदुःतेरा।

मूक चेलाकू 3:18

मनदो भगवानराः बड़रा कता होड़कू, मड़ंगरे ईसू बदीरेकू कतातेरा, मसी मुरुक कटसियाय सहावता, माःआन अरू हना जमा कताकून भगवान नाःआ इयाय पुरावकेरा।

मूक चेलाकू 8:35

दो पिलिप भगवानराः कागदराः हना पाठते बुँहड़ीतेडखन ईसू बदीरे नपाय सरवने कता उदुःतेरा।