16 मनदो भगवान हँकिन ईसू सिनहा लगा मेरेय ओवागडकिन।
अनंगुः मेला ईसू समुंदर धरीरेय सेने चड़ाँनेना। मनदो हँकुःआ चेलाकू नाँय ईसू हवे माःआन मेरकू सिनहा अवेगडीग।
नाःआ इया कतातेडखन तयोम अगीय ञेलतेरा दो ईसू चड़ाँते दोहोना, मनदो नाँय ईसू हवे माःआन मेरेय सिनहा अवेगडीग।
हनमेला ईसू हँकिन भगवान एचे सिनहागोतेडकिन। हँकिन ईसूकिन सिनहातेड दो, असाका ईसू छपितयान।
हना तयोमते चेलाकू अते बार होड़ गाँव गतरकिन सेन मेला, ईसू एटाः इया हँकिन एचेरे अनँयग एचे ञेलयान।
हँकिन उदुः होड़ेंग घड़ीनकिन सेन मेला, ईसू वेगनेनखन हँकिन सुदाय सेना।
हाँय हँकिन एचेरेय होंबरेःआ, “अबा सेनेन सेन मेला चिन चिलाबा कता होड़ेंगतना?” दो हँकिन हदरावनेनखनकिन चड़ाँयान।
