लूका 23:6 - Korwa Bible

⁶ नाःआ अयूमवाडखन पिलातूस हँकू एचेरेय होंबोरतेरा, “नाँयग होड़ गलील छतररीग होड़ हवे जा?”

लूका 23:6 Referans Kwoze

मूक चेलाकू 5:37

हना तयोमरे ञाव एचे जोड़ावराः बेला, जूदा ञावीग गलील छतररीग होड़ दोहोना। हाँय सुदा तोनोंग तोनोंग होड़कू होंय एचे जुमावतेडकुःआ। हाँय होंकू ञेड गोएग एंडातेरा अरू हाँयरिकुःआ सउंगताकू हों सितिर-बितिरयनाकू।

लूका 13:1

दो हंडाकू दोहोना हँकू अते अदोम होड़कू ईसू एचेरे गलील छतररिकुःआ होड़कू बदीरेकू कताया, तोनोंग तोनोंग होड़कू भगवानराः ओड़ाःरे बलिदानकू देगा हनमेला मरंग हातपात होड़ पिलातूस हँकुःआ होड़कूय एचे ञेड एंडातेडकुःआ, माःआन।

मती ओजाःतेरा भगवानराः नपाय सरवन 26:69

हनमेला पतरस बहरी राचरेय दुड़ुःकुःआ। दो मी होड़ सेवकियायीन हाँय एचेरेय वेजेडा। अरू पतरसे कतावाःआ, “आम हों दो गलील छतररीग ईसू सुदाम दोहोना।”

लूका 23:5

मनदो हँकू अरूकू कताया, “नाँयग होड़ एहूदिया राइजरिकुःआ जमा होड़कू नाँयराः बड़रातेकू बहकाःतना। नाँय बहकाव बहकाव गलील छतर अते मरंग सहर एरुसलेम वरी होंय सोदोरयना।”

लूका 23:7

पिलातूस सुदीगोतेडे ईसू, हरदोसराः छतररेय दोहोनीग होड़ हवे, माःआन। अरू हनमेला हरदोस एरुसलेमरेय दोहोना। हनालगा ईसू हाँय एचेरेय वारतिरिया।