लूका 23:26 - Korwa Bible

²⁶ दो हँकू ईसू ठोंकाव गोएग एंडागेय लगाकू गोःयाडीग। हनमेला कुरेन सहररीग सिमोन एरुसलेम मरंग सहर अगीय वेगा। हँकू हाँयग सिमोन साबतिरिगखन ईसू गोगोःआ हना कुरूस हाँयकू एचे दोहेँतिरिया अरू हाँय ईसूराः तयोम तयोमे सेना।

लूका 23:26 Referans Kwoze

मूक चेलाकू 6:9

दो लिबिरतीन ञावराः अरजी ओड़ाःरिकुःआ होड़कू अरू कुरेन सहर, सिकंदिरिया सहर, किलिकिया छतर अरू आसिया राइजरिकुःआ एहूदाकू हाँय बदीरेकू घंटावतेरा। नँकुःआ होड़कू इसतपनूस सुदाकू अड़ा-चउकीःआ।

मूक चेलाकू 6:6

एटाः बिसवासी होड़कू नँकुःआ होड़कू ईसूरिकुःआ मूक चेलाकू एचेरेकू अगूतेडकुःआ। हनते हँकुःआ मूक चेलाकू अरजीतेडखन हँकू बोःरे तिःईकू खेपातेरा अरू हना बुता बुता लगाकू एटाःतेडकुःआ।

मूक चेलाकू 2:10

अरू पुरगिया राइजरिकुःआ अरू पंपुलिया राइजरिकुःआ अरू मिसिरी देसरिकुःआ अरू कुरेन सहरते लेसानाः लिबिया देसरिकुःआ, नाःआ जमा देसरिकुःआ होड़कू; रूमी मरंग सहर अतेकू वेगकिया हँकुःआ गुतियाकू,

लूका 14:27

अरू अनँयगराः कुरूस रेमकेडखन ईंग तयोम मेरेय वेग दो, हाँय हों ईंगरीग चेला ओरोय बड़ाँव अवेनेना।

लूका 9:23

हनते ईसू जमा होड़कू एचेरेय कताया, “तोनोंगीग ईंग तयोम अगी वेग लगाय ओंगले दो, हाँय अनँयगराः जीव अड़ाःवाडखन अनँयग कुरूस सगर दिन रेमकेडखन ईंग देह दूरे ओतोंग वेग।

मूक चेलाकू 13:1

अंतकियाराः कलसियारे तोनोंग तोनोंग भगवानराः बड़रा कता होड़कू अरू चेडदार होड़कू होंकू दोहोना। हँकूराः ञाव दोहोना बरनाबास, निगर माःआन एटाः ञाव दोहोना हाँयग सिमोन, कुरेनरीग लुकियूस, हरदोस सुदा मिनी सउंगताकिन दोहोना हाँयग मनाहेम अरू साहूल।

लूका 23:25

अरू हँकू असेतेरा हनन इया, होड़कूय बलवादा अरूय ञेड एंडातेडकुःआ अते जेहेलरे सींगतोय दोहोना हाँयग होड़ पिलातूस अड़ाःगोतेडीग। अरू हँकूराः हिछा इया सइनाकू एचेरे ईसूय जिमागोतेडीग।

मती ओजाःतेरा भगवानराः नपाय सरवन 5:41

अरू तोनोंगीग होड़ संघरा पवाः लगा अपे मी कोस रेनहाकेडपेखने गोःयापे दो, हाँय सुदा अरू मी कोसपे सलाव जुवाः।