लूका 22:35 - Korwa Bible

³⁵ हनते ईसू हँकू एचेरेय कताया, “उहियारगेपे, ईंग अपे बेगर बगली, झोला अरू चाटीतेयिंग वारतेडपेःआ, हनमेला अपे लगा तोनोंगाः हुडिंग बगरा होयानेना जा?” हँकू कताया, “तोनोंगाः जिनिस अले लगा हुडिंग बगरा मेर होयागान।”

लूका 22:35 Referans Kwoze

लूका 10:4

हनालगा अपे बगली, झोला अरू बबरटोंग चाटीकून अलोपे गोः। अपे दूररेपे सेन मेला तोनोंगीग अलोपे सलामगेय।

लूका 9:3

हाँय हँकू एचेरेय कताया, “अपे दूर सेन मेला, बोंग अरू झोला अरू जोम लगा तोनोंगाः जिनिसकून अरू ढिबुवा अरू बबरटोंग अंगा अहापे गोः।

लूका 22:34

दो ईसू कताया, “पतरस, ईंग आम एचेरेयिंग कतायतना। तिसिंग कुकुड़ा अरीन कुकूड़चुः अते मड़ंग आम पेय तुरहा ईंगमे आड-बेकारवाता, ईंग नाँय मेरिंग सुदीयतना, माःआन।”

लूका 22:36

ईसू हँकू एचेरेय कतातेरा, “नुँहू अपे एचेरे झोला इदान दो हनापे गोः अरू बगली इदान होले हना होँपे गोः। अरू तलवइर कोवानेःआ हाँयग होड़ आँयगराः अंगा अकरिंगकेडखन मीटोंग तलवइरे किजा।

2 कुरिंती 8:15

भगवानराः कागदरे ओजाःतो इदा, “बगराय अतिंग अदेरकेरा, हाँय एचेरे बगरा ओरो दोहोनेना, अरू गुनमिने अतिंग अदेरकेरा, हाँय एचेरे हुडिंग बगरा ओरो दोहोनेना।”