लूका 22:30 - Korwa Bible

³⁰ जेमहा ईंगराः राइजरे अपे हों ईंग सुदापे जोम ञूय अरू गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजकू।

लूका 22:30 Referans Kwoze

मती ओजाःतेरा भगवानराः नपाय सरवन 19:28

दो ईसू कतातेड, “अपे ईंगपे अयूम, नँवा चउंदीस बड़ाँः मेला, मनुवारीग बेटात मान मरजइत घड़ीन राइजगे लगाय दुड़ुःता। हनमेला ईंग देह दूरपे सलाःतना अपे हों, बारहगोटोंग गदीरे दुडुःकियानखन इसराएलरिकुःआ बारहगोटोंग गोतोररिकुःआ होड़कूपे राइजता।

मती ओजाःतेरा भगवानराः नपाय सरवन 8:11

अरू ईंग अपे एचेरेयिंग कतायतना, मुरुक बगरा होड़कू पुरुब अरू पछिम अते वेगकियानखन अपेरिकुःआ खुटिपरिया होड़कू इबराहीम अरू इसहाक अरू एकूब सुदा सेरमो देसरे जोजोम सरबहारेकू दुड़ुःता।

उदुःतो कताकून 3:21

ईंग हों जितावनेनखन ईंगरीग अपांगराः गदीरे हाँय सुदायिंग दुड़ुःयना। दो हनन इया जितावबाः जुवाः हाँयग होड़ हों ईंगराः गदीरे ईंग सुदायिंग दुड़ुःगेयता।

लूका 14:15

हंडा जोम लगाकू वेजेडा हँकुःआ होड़कू अते मी होड़ नाःआ बड़रा अयूमवाडखन ईसू एचेरेय कताया, “भगवान राइजरेय जोजोमता हाँयग होड़ भगवान भलावायता।”

लूका 12:37

मालिक वेगवाडखन आँयगरिकुःआ सेवकिया होड़कू सपड़ावतोय ञेलकूता दो, हँकुःआ सेवकिया होड़कूराः जीव नपाय दोहोनता। अपे एचेरे सताय कतायिंग कतायतना, हाँयग मालिक मयांग कासवाडखन हँकुःआ सेवकिया होड़कू जोम लगाय एचे दुडुःकूता अरू हँकूय नेत-नेवारकूता।

उदुःतो कताकून 19:9

हनते सेरमो देसरीग बराहील ईंग एचेरेय कतातेरा, “ओजाःगेमे। भेड़ा होनराः बियाह भोज जोम लगा टिवाकू पवावनेना हँकुःआ होड़कूराः जीव भगवान नपायगेता।” हनते हाँय अरूय कतातेरा, “नाःआ कताकून भगवानराः सताय कताकून हवे।”

उदुःतो कताकून 4:4

हाँयराः गदीराः चइरो गतर चूबीसगोटोंग गदीकून दोहोना। अरू हना गदीकूनरे मी कुड़ी चइरगोटोंग मूक होड़कू उजड़ सोनहे अरू सोनाराः पगरी तुसिंगकेडखन दुड़ुःतोकू दोहोना।

मती ओजाःतेरा भगवानराः नपाय सरवन 5:3

“भगवानराः कताकून बदीरे गरीब इदानकुःआ हँकुःआ होड़कूराः जीव-जहन, भलावाडखने नपायगेयता, अरू सेरमो देस हँननकूराः हवे।

2 तिमुतियूस 2:12

अबू कटसियाबू सहावगोड ञवन दो, अबू हाँय सुदाबू राइजगेता। अबू हाँयबू एरांगवा दो, हाँय अबू होंय एरांगवाता।

एकूब 1:1

ईंग एकूब, भगवानरीग अरू परबू ईसू मसीरीग सेवकिया होड़, नाःआ चिठीयिंग ओजाःगेतना। जमा चउंदीसरे सितिर-बितिरयनाकू हँकुःआ बारहगोटोंग गोतोररिकुःआ होड़कू लगा ईंग अगीते मसी सलाम।