लूका 22:26 - Korwa Bible

²⁶ मनदो अपे नाःआ इया अलोपे होयाः। अपे अते मरंग इदानिया, हाँय हुडिंग होड़ इया बड़ाँः इदा। अरू हातपात होड़, सेवकिया होड़ इया बड़ाँः लगा इदा।

लूका 22:26 Referans Kwoze

1 पतरस 5:5

ने डिंघाकू, हनन इया अपे हों कलसियारिकुःआ मूक होड़कूराः आड़रेपे दोहोन। भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता, हँकुःआ होड़कूय मयावाकूता।” हनालगा अपे अँननपे अपे हुडिंग ओंगोलकियानखन, सेवा होड़ेंग लगा सपड़ावतोपे दोहोन।

1 पतरस 5:3

अपे एचेरे भगवान जिमाकेडकुःआ हँकुःआ होड़कू एचेरे कटराहा होड़कू इया अहापे हातपातगे। मनदो बिसवासी होड़कू लगा मीटोंग नपाय चिनहा इयापे दोहोन।

लूका 9:48

हनते ईसू हँकू एचेरेय कताया, “तोनोंगीग होड़ ईंगराः ञावते नाँयग लँइगे नेत-नेवार दो, हाँय ईंगे नेत-नेवारता। ईंगे नेत-नेवारता, हाँय ईंगे वारकेरा हाँयग भगवाने नेत-नेवारता। अपे अते इये अनँयग आँयग हुडिंगे ओंगलुःता, हनाँय जमाकू अते मरंग इदानिया।”

मरकूस 9:35

दो ईसू दुड़ुःनेनखन आँयगरिकुःआ बारहगोटोंग मूक चेलाकूय राःतेड अरू हँकू एचेरेय कताया, “तोनोंगीग होड़ मरंग बड़ाँः लगाय ओंगले दो हाँय जमाकूते हुडिंग अरू जमाकूरीग सेवादारे बड़ाँः।”

रूमी 12:2

अपे चउंदीसरिकुःआ होड़कू इया अहापे सलाः। मनदो भगवान अपेराः ओंगोल नँवाकेडखन बदलाव ओवायपे, जेमहा अपे भगवान ननायगुःता अरू जमालेःआते सताय अरू ननपाय हवे, हाँयराः हनानाः हिछापे सुदी अवेय।

मती ओजाःतेरा भगवानराः नपाय सरवन 20:26

मनदो अपे सुदा नाःआ इया अलो होयाः। अपे अते तोनोंगीग मरंग बड़ाँः लगाय चहाःतना दो, हाँय अपेरीग सेवादारे बड़ाँः,

मरकूस 10:43

मनदो अपे नाःआ इया अहापे होयाः। अपे अते तोनोंगीग होड़ मरंग होयाः लगापे ओंगलेतना दो हाँय अपेरीग सेवादार बनड़ाँः लगा इदा।