लूका 22:2 - Korwa Bible

² मरंग पुजउरीकू अरू नियम चेडदार होड़कू होड़कूकू बोरोवाःआ। हनालगा हँकू तोनोंग इया ईसू साबकिरिगखन ञेड एंडाय लगा दावकू ञामा।

लूका 22:2 Referans Kwoze

एहुना 11:57

मनदो मरंग पुजउरीकू अरू फरीसी होड़कू ईसूकू साब लगा नाःआ इयाकू हुकुम अटूतेरा, ईसू करे इदानिया हना तोनोंगीग होड़ सुदीय दो, हाँय अले एचेरेय उदुःगे, माःआन।

लूका 20:19

मरंग पुजउरीकू अरू नियम चेडदार होड़कू सुदीया, ईसू हँकू बदीरे नाःआ कहड़ीय कताया। हनलगा हँकू हाँय एचे साबगेय लगाकू ओंगोलतेरा। मनदो हँकू होड़कूकू बोरोवातेरा।

मती ओजाःतेरा भगवानराः नपाय सरवन 12:14

मनदो फरीसी होड़कू हंडा अते तोराकू अरू ईसू ञेड एंडाय लगाकू ओंगोलतेरा।

मूक चेलाकू 4:27

सनातायरे हरदोस राजा अरू एहूदिया छतररीग मरंग हातपात होड़ पुंतियूस पिलातूस, बेगर एहूदाकू अरू नाःआ सहर एरुसलेमरिकुःआ इसराएल होड़कू सुदा जुमावनेनखन आम सुनावतेरा आमरीग सुद सेवादार ईसू, एचे ञेड गोएगगेय लगाकू ओंगोलतेरा।

मती ओजाःतेरा भगवानराः नपाय सरवन 21:38

मनदो हँकुःआ अधियादारकू बेटात ञेलतेडखनकू कता होड़ेंगा, ननाँय हवे नाःआ बगइचारीग इताडदार। दबूपे, नाँयबू ञेड एंडाय अरू नाँयराः इताड अबू गोःयाता।

मती ओजाःतेरा भगवानराः नपाय सरवन 26:2

“अपे सुसुदीतना बार दिन तयोमरे पसहा परोब इदा। अरू हनमेला होड़कू मनुवारीग बेटातकू सबेयता अरू कुरूसरेकू ठोंकाव गोजेयता।”

मरकूस 14:1

बार दिन तयोमरे पसहा परोब अरू रुटीराः परोब निचकाःआ। मरंग पुजउरीकू अरू नियम चेडदार होड़कू ईसू कलेकाल एचे साबकिडिगखन ञेड एंडागेय लगाकू ओंगलेःआ।