लूका 22:12 - Korwa Bible

¹² हाँय ओड़ाः सेरमोराः मीटोंग नपाय टड़बड़तो मरंग छिनाय उदुःवाबाता। हनानाः छिनारे अबू जमाकू जोम लगाबा संजोड़का।”

लूका 22:12 Referans Kwoze

मूक चेलाकू 1:13

हँकू हंडाकू सोदोरनेन दो हँकू डेरानेना हना ओड़ाःराः सेरमो छिनारेकू सेनेडा। हंडा ईसूरिकुःआ मूक चेलाकू सिमोन पतरस, एहुना, एकूब, अंदरियास, पिलिपूस अरू तोमा, बरतुलमाय अरू मती, हलपाइरीग बेटात एकूब अरू जेलोतेस माःआनकू राःगेया हाँयग सिमोन अरू एकूबरीग बेटात जूदा, हों दोहोना।

एहुना 2:25

मनुवाकूराः जीवरे चिनचिला ओंगोल इदा हना जमाय सुसुदीःआ। हनालगा तोनोंगीग होड़ एटाः होड़ बदीरे हाँय एचेरे ककता लगा कोवानेःआ।

मूक चेलाकू 20:8

संगइतीरेले दुड़ुःनेना हना सेरमोराः छिनारे मुरुक ढिबरीकून दोहोना।

एहुना 21:17

दो ईसू पेय तुरहा हाँय एचेरेय कतातेड, “ने एहुनारीग बेटात सिमोन, आम ईंगमे दुलारगींगता जा?” ईसू हाँय एचेरे पेय तुरहाय होंबोरतेरा, आम ईंगमे दुलारगींगता जा, माःआन। हनालगा पतरसराः जीव मुरुक हुडिंगयान। अरू हाँय कतातेड, “परबू आम दो जमा बरानाःम सुदीयता अरू आम सुसुदीतना ईंग आमिंग दुलारतना।” दो ईसू कतातेड, “ईंगरिकुःआ भेड़ाकू सराव हड़ाःकूमे।

लूका 22:11

अरू हना ओड़ाःरीग मालिक एचेरेबा कताय, गुरुजी होंबोरकेरा, ईंग अरू ईंगरिकुःआ चेलाकू करा छिनारे पसहा रुटीले जोम, माःआन।

लूका 22:13

दो हँकिन सेनेड अरू ईसू कतातेरा हनन इयाकिन सेने ञामतेरा, अरू पसहाराः सरबाहाकिन संजोड़ हताड़तेरा।