लूका 21:36 - Korwa Bible

³⁶ हनलगा अपे जगलेपे दोहोन अरू नाःआ चउंदीसरे होयाःता हना गराहते बनसाव अवेन लगा अरू मनुवारीग बेटात वेग मेला आँयग मड़ंगरे चड़ाँ अवेन लगा अरजीगोड ञवनपे।”

लूका 21:36 Referans Kwoze

1 एहुना 2:28

ने ईंगरिकुःआ लइंकू इया होड़कू, ईंग अपे एचेरेयिंग कतायतना, मसी सुदापे सनालाव ञवन, दो हाँय सेरमो देस अते कुदा वेग मेला, अपे डीड़तेपे दोहोनता अरू ओरोपे गियूनेना।

1 पतरस 5:8

अपेरीग मुदइ कलउ, नरराःता हाँयग कूल इया तोनोंगीग ऊड जोम लगाय लबड हड़ाःता। हनालगा अपेराः जीव ओंगोल समझाव घड़ीनपे दोहोगे अरू सवासितीपे दोहोन।

मती ओजाःतेरा भगवानराः नपाय सरवन 25:13

हनन इया अपे हों ईंगराः कुदा वेगराः बेला मेरपे सुसुदीतना। हनालगा जगलेपे दोहोन।”

मती ओजाःतेरा भगवानराः नपाय सरवन 24:42

अपे मेरपे सुसुदीतना अपेरीग परबू तुमिसे वेगता। हनालगा अपे जगलेपे दोहोन।

1 पतरस 4:7

चउंदीस टुटीगगुःराः बेला निचकाःतना। हनालगा अपे ओंगोल बुझाः घड़ीन सवासितीपे दोहोन, जेमहा अपे भगवान एचेरेपे अरजी अवेय।

1 कुरिंती 16:13

सवासितीपे दोहोन। बिसवासरे अलोपे टास मासगुः, मनदो डीड़गार अरू बनड़ियाड़पे दोहोन।

लूका 18:1

हना तयोमरे ईसू आँयग चेलाकू एचेरे मीटोंग अउल-तउल कहड़ीय कता उदुःतेरा, जेमहा हँकू सगर बेलाकू अरजीगे अरू भगवान एचेरेकू भरसा हड़ाःगे।

मरकूस 13:33

अपे मेरपे सुदीयतना तुमिस ईंग कुदा वेगता। हनालगा अपे जगलेपे दोहोन।

जूदा 1:24

अपे कसूरगे अतेय बनसाव अवेपेता अरू बेगर गारबार अरू मुरुक बहालते अनँयग मान मरजइतगेःआ मड़ंगरेय एचे चड़ाँ अवेपेता

मती ओजाःतेरा भगवानराः नपाय सरवन 26:41

जगलेम दोहोन अरू भगवान एचेरेम अरजीगोड ञवन। हना अते आम तोनोंग इयाःआ अंदजावरे ओरोम परावनेना। जीव बिरुवा सपड़ावतो इदा, मनदो नाःआ देह जंगर कुड़ही इदा।”

1 तिसलूनिका 5:17

जमा बेला अरजीगोड ञवनपे।

मरकूस 13:37

ईंग अपे एचेरेयिंग कतायता हना कता जमाकू एचेरेयिंग कतायतना, जगलेपे दोहोन।”

2 तिमुतियूस 4:5

मनदो तिमुतियूस, जमा बेला ओंगोल समझाव घड़ीन कटसिया सहावकेडखन नपाय सरवन परसारराः बुताम बुता अरू भगवानराः सेवाम सेवा पुराव।

कुलूसी 4:2

अपे अरजीगोड ञवनपे अरू भगवान धनियाबाद घड़ीन सवासितीपे दोहोन।

मूक चेलाकू 10:2

हाँय अरू आँयग ओड़ाःरिकुःआ जमा होड़कू भगवान मान मरजइत घड़ीनकू जागा। हाँय ससंघरा लगा दोहोना हँकुःआ गरीब होड़कूय संघरावाःआ अरू भगवान एचेरे सगर दिने अरजीःआ।

लूका 20:35

मनदो गोएगतो अते जियाव रिमुः जुकूर अरू हना जूगरे दोहोन जुकूर इदानकुःआ हँकुःआ होड़कू ओरोकू बियाहनेना अरू ओरोकू एचे बियाहतेडकुःआ।

मती ओजाःतेरा भगवानराः नपाय सरवन 8:20

दो ईसू हाँय एचेरेय कताया, “हुई हुटाकू दोहोन लगा दुलू इदा अरू तितीगकू दोहोन लगा तुका इदा। मनदो मनुवारीग बेटातराः बोः अतड़े लगा हों ततेर कोवानेःआ।”

मती ओजाःतेरा भगवानराः नपाय सरवन 24:43

अपे नाःआ कता सुदीगे लगा इदा। मीटोंग ओड़ाःरीग मालिक इनिग होड़ तुमिसे वेगता हना हाँय सुदीय दो हाँय जगलेय दोहोनता अरू इनिग होड़ मेरेय बोलो ओवायता।

मती ओजाःतेरा भगवानराः नपाय सरवन 24:44

मनुवारीग बेटात तुमिसे कुदा वेगता, हना अपे मेरपे सुदीयतना। हनालगा अपे हों सपड़ावतोपे दोहोन।”

लूका 1:19

दो हाँय कतातेड, “ईंगराः ञाव जिबराएल हवे अरू ईंग भगवानिंग सेवाता। नुँहू नाःआ नपाय सरवन आम एचेरे कता लगा भगवान ईंगे वारकेरा।

लूका 21:35

नाःआ चउंदीसरे इदानकुःआ हँकुःआ जमा होड़कूराः जीवरे ननन इया होयाःता।

2 कुरिंती 4:14

अले सुसुदीता परबू ईसू गोएगतो अतेय जियाव रेमतिरिया हनाँयग भगवान अले हों ईसू सुदाय जियाव रेमलेता अरू अनँयग लगा अनँयग मड़ंगरे अपे सुदाय एचे चड़ाँलेता।

उदुःतो कताकून 6:17

हँकिन रीसगुःराः मरंग दिन सोदोरयना, अरू तोनोंगीग हँकिन मड़ंगरेय चड़ाँ अवेनता जा?”

उदुःतो कताकून 7:9

हनते ईंग मुरुक बगरा होड़कूयिंग ञेलतेरा। हँकू तोनोंगीग ओरोय गँड़ाव अवेकेकुःआ। हँकू जमा जइतरिकुःआ, अरू जमा गोतोररिकुःआ, अरू जमा राइजरिकुःआ, अरू जमा भासीरिकुःआ होड़कू दोहोना। हँकू उजड़ सोनहेकू तुसिंगतेरा अरू किताराः डइड़ साबतेडखन गदी अरू भेड़ा होन मड़ंगरेकू चड़ाँकुःआ।

उदुःतो कताकून 8:2

हनते ईंग सातगोटोंग बराहीलकू भगवानराः मड़ंगरे चड़ाँतिंग ञेलतेडकुःआ। हँकू मेमेडटोंग मेमेडटोंग मरंग सोहनाईकू पवावनेना।

उदुःतो कताकून 11:4

चउंदीसरीग परबू मड़ंगरे इदा हना बारटोंग जइतून दूब अरू बारटोंग ढिबरी हँकिनाः होड़किन हवे।