लूका 20:25 - Korwa Bible

²⁵ दो ईसू कताया, “मरंग राजा कइसरराः हवे हान हनाँयपे ओवा अरू भगवानराः हवे हान भनगवानपे एमेवा।”

लूका 20:25 Referans Kwoze

1 कुरिंती 10:31

मनदो ईंग कतायतना, अपे जोम सहे ञूय सहे तोनोंगाःपे एचे, हना जनामाते भगवानराः मान मरजइत होयाः लगापे एचेय।

मूक चेलाकू 5:29

दो पतरस अरू एटाः मूक चेलाकू कतातेरा, “अले होड़कूराः कता मनाः अते बगरा भगवानराः कता मनाः लगा इदा।

मरकूस 12:17

दो ईसू कतातेड, “मरंग राजा कइसरराः हवे हना हनाँयपे ओवा अरू भगवानराः हवे हना भनगवानपे एमेवा।” दो हँकू हाँयराः कतारेकू बयावयान।

मती ओजाःतेरा भगवानराः नपाय सरवन 22:21

दो हँकू कतातेड, “मरंग राजा कइसरराः इदा।” दो ईसू हँकू एचेरेय कतातेड, “मरंग राजा कइसरराः हवे हान, हाँयपे एमेवा अरू भगवानराः हवे हान भगवानपे एमेवा।”

मती ओजाःतेरा भगवानराः नपाय सरवन 17:27

मनदो अलंग अते हँकूके तोनोंग इयाःआ हलकाइन अलो होयाः लगा आम हुडिंग समुंदर धरीरे सेनेकियानखन बनसीम तेके बोलो। अरू मड़ंगमे उडुंगगेय हाँयग हकूम साब अरू हाँयराः आहमे उघाड़ दो आम चाँदीराः मीटोंग रिचकीम पवाःता। हनानाः रिचकी गोःकेडखन ईंगराः अरू आमराः मलगुजारीम एमेगोड।”

1 पतरस 4:11

परसारताकुःआ होड़कू भनगवानराः सरवन पपरसार लगा इदा। एटाः होड़कूकू सेवाता हँकुःआ होड़कू, भगवानराः जंगरते सेवाकू लगा इदा, जेमहा नाःआ जमाकून अते ईसू मसीते भगवानराः मान मरजइत होयाः। हनाँय मान मरजइतगे इयायीग अरू सगर सइट वरी अगम जंगरदार इदानिया। आमीन!

लूका 20:24

“मीटोंग चाँदीराः रिचकी ढिबुवा ईंगपे उदुःवा। हना रिचकी ढिबुवारे इयेराः मुरइत अरू ञाव ओजाःतो इदा?” हँकू कताया, “मरंग राजा कइसरराः।”