लूका 20:16 - Korwa Bible

¹⁶ हाँय वेगवाडखन हँकुःआ अधियादारकूय ञेड एंडाकूता अरू अंगूर बगइचा एटाः होड़कूय जिमागोडवाता।” नाःआ कहड़ी अयूमवाडखन होड़कू कताया, “नाःआ इया कहियो अलो होयाः।”

लूका 20:16 Referans Kwoze

लूका 19:27

हनते मालिक कताया, “ईंग अँकूरीग राजा बड़ाँवगींग लगा मेरकू चहाःआ हँकुःआ मुदइ होड़कू नंडापे अगूकू अरू ईंग मड़ंगरेपे ञेड एंडाकू, माःआन।”

मूक चेलाकू 13:46

दो पउलूस अरू बरनाबास डिनीड़ते हँकुःआ होड़कू एचेरेकिन कता कुदातेरा, “अलिंग अपे एहूदाकू एचेरे भगवानराः सरवन मड़ंगरे ककता दोहोना, मनदो अपे हना सरवनपे टड़ाव एंडाकेरा अरू नाःआते सुदीगोडतापे ओरो टुटीगनेना हना जीव लगा भगवान अपे मेरेय सुनावगाडपेःआ। नुँहू अलिंग बेगर एहूदाकू एचेरे भगवानराः नपाय सरवनलिंग कता उदुःता।

मती ओजाःतेरा भगवानराः नपाय सरवन 21:41

हँकू हाँय एचेरेकू कता कुदातेड, “हाँय हँकुःआ बेलूर होड़कू मुरुक कटसिया एमे घड़ीने लाय एंडाकूता। हनते हाँय अंगूरराः बगइचा अनँयग बंटा जोःओकू एमेवायता हँकुःआ एटाः अधियादारकू एचेरेय एमेगोडता।”

मती ओजाःतेरा भगवानराः नपाय सरवन 22:7

हनते राजा रीस भीकयान अरू हाँय अनँयगरिकुःआ सइना होड़कूतेन वारतेडखन, सेवकिया होड़कूकू ञेड एंडातेरा हँकुःआ होड़कूय, एचे ञेड एंडागोतेडकू अरू हँकूराः सहरे एचे बाल लो एंडागोतेड।

मती ओजाःतेरा भगवानराः नपाय सरवन 21:34

हनते जोःराः बेला सोदोरनेन दो हाँयग मालिक अधियादारकू एचेरे आँयग बंटा अगू लगा हड़वाहाकूतेने वारगोतेडकू।

मरकूस 12:9

हनते ईसू होंबोरतेड, “अपे चेले माःआनपे ओंगलेता, अंगूर बगइचारीग मालिक हँकू करा इयाय करेगकूता? हाँय वेगकियानखन अधियादारकूय ञेड एंडाकूता अरू हना अंगूर बगइचा एटाः होड़कूय ओवागोडकूता।

लूका 20:15

अरू हँकू हाँय बगइचा अते ओर उडुंगतिडिगखनकू ञेड एंडागोतेडीग। नाःआ इया होयाः दो अंगूर बगइचारीग मालिक हँकुःआ अधियादारकू करा इयाय करेगकूता?

रूमी 3:4

नाःआ इया कहियो ओरो होयानेना। जमा होड़कू लबराकू बड़ाँव जुवाःता हों, भगवानराः कागदरे ओजाःतो इदा हनन इया, हाँय सनाताये दोहोनता। “ने परबू, आमराः जमा कताकून सनाताय इदा, अरू होड़कू आमकू फड़ियाव हों आम जितावबाः जुवाःताम।”

रूमी 3:6

नाःआ इया तोनोंगीग कहियो ओरोय कता अवेतेरा। एहूदाकू बदीरे भगवानराः फड़ियाव सताय कोवानेःआ दो हाँय करा इया चउंदीसरिकुःआ एटाः होड़कूय फड़ियाव अवेता?

रूमी 3:31

दो अबूराः बिसवास अते नियम सदाःआ होया जुवाःता जा? कोनोवानेःआ। बिनिसवासते अबू जमालेःआ नियमकूनबू एचे पुराव अवेता।

रूमी 6:2

नाःआ इया कहियो ओरो होयानेना। अबू कसूर जीव जियाः लगाबू अड़ाः एंडागोतेडा दो, अरूबू कनासूरगोड ञवनता जा?

रूमी 6:15

दो अपे ईंगपे उदुःवा। अबू नियमकून मनाः अते भगवान अबू मेरेय सडावगाडबुःआ, मनदो मयावाडबूखने सडावकेडबुःआ। दो अबू कनासूरगोड ञवन जा? कहियो ओरो।

रूमी 7:7

नुँहू अबू कता अवेयता जा नियमकून बेलूर इदा, माःआन? ओरोबू कता अवेतेरा। नियमकून अलो दोहोकुः दो, अबू कसूर बदीरे ओरोबू सुदीकेःआ। नियमकूनरे अलोपे ललचीःआ, माःआन मेर कताकेः दो अबू जीवराः ललची ओंगोलराः बदीरे अबू ओरोबू सुदी अवेकेःआ।

रूमी 7:13

नाःआ इया इदान दो, नपाय नियमते ईंग गोएगतो इयायिंग बड़ाँवयना जा? बुरी! ईंग जीवराः कसूर लूर-नेवनते नपाय नियम उपयोत घड़ीन गोएगतो होड़िंग बड़ाँवगोतेडा। हनानाः अते कसूर कनासूर हवे माःआन उदुःवाडबुःआ। अरू नियमतेबू सुदीगोतेड, अबूराः कसूर लूर-नेवन तुमिनाः बेनेलूर हवे, माःआन।

रूमी 9:14

दो अबू कता अवेयताबू जा, भगवानराः फड़ियाव सताय कोवानेःआ, माःआन? कहियो ओरोबू कता अवेतेरा।

रूमी 11:1

दो ईंग होंबरेतना, अनँयगरिकुःआ इसराएल होड़कू भगवान अड़ाः एंडागोतेडकुःआ जा? मेरेय अड़ाः एंडागाडकुःआ। ईंग हों इबराहीमरीग नइड़-बाँस होड़ हवे अरू बिनियामीन गोतोर अते मी होड़ इसराएल होड़ इदानिंगा।

रूमी 11:11

दो ईंग अरूयिंग होंबरेतना, हँकुःआ इसराएल होड़कू मेरकू बिसवासगाड हना अते हँकू सगर दिन लगाकू एनेटाःयना जा? कोनोवान! हँकू गारबारतेरा हना अते भगवान बेगर इसराएल होड़कूय सडावकेडकुःआ, जेमहा हँकू बदीरे इसराएल होड़कू इरा जुवाः।

1 कुरिंती 6:15

अपे मेरपे सुसुदीतना जा, अपे मसीराः देह दगलीकून हवे? दो ईंग मसीराः देह दगलीकून गोःकेडखन सनही अइमी सुदा मिनी जुवाः लगायिंग जिमागोड जा? कहियो ओरो!

गलातिया 2:17

अले एहूदाकू ईसू मसीते कसूर अते फड़ियावतो होड़कू बड़ाँवले लगाले ञामगेता। मनदो अले हों बेगर एहूदाकू इया कसूर होड़कू इदानलेःआ। दो ईसू मसी अलेय एचे कसूरलेता, जा? नाःआ इया कहियो ओरो होयानेना।

गलातिया 3:21

अपे नाःआ इयापे ओंगलेतना जा, भगवानराः जबान अरू मोसेसराः नियमकून मेर जुमाःतना, माःआन? बुरी, नाःआ इया कोवान! अबू तोनोंगाः नियमकूनबू मनाः अते नपाय जीवबू जियाव अवेकुः दो हनानाः नियमकूनते, अबू भगवानराः ओंगोल इया बेगर गारबार होड़कूबू बड़ाँवकुःआ।

गलातिया 6:14

मनदो ईंग तोनोंग इयायिंग भल-भलायगुः दो, ईसू मसीराः कुनुरूस बदीरे एकलायिंग भल-भलायगुःता। ईसू मसी कुरूसरेय गोएगनेना, हनालगा ईंग चउंदीसराः ओंगोलकून लगा गोएगतो इदानिंगा अरू चउंदीसराः ओंगोलकून ईंग जीवरे गोएगतो इदा।