लूका 2:34 - Korwa Bible

³⁴ हनते सिमोन उसूप अरू मरियम भलावातेडकिनखन मरियम एचेरेय कतातेरा, “अयुमेमे, नाँयग लँइगते इसराएलरिकुःआ बगरा होड़कूराः जीव लायगुः लगा अरू एटाःकूराः जीव बनसावगुः लगा होयाःता। नाँयग लँइग भगवान अते होड़कू लगा मीटोंग चिनहाय होयाःता अरू मुरुक बगरा होड़कू हाँयकू घंटाता,

लूका 2:34 Referans Kwoze

1 कुरिंती 1:23

मनदो अले कुरूसरेकू ठोंकाव गोएगतिरिया हाँयग ईसू मसी बदीरेले परसारगेतना। नाःआ सरवन एहूदाकू लगा एरंगवा इया इदा अरू बेगर एहूदाकू लगा बेगर लूर इदा।

मती ओजाःतेरा भगवानराः नपाय सरवन 21:44

[नाःआ दिरिरेय लुजरुःता हाँयग होड़ लंजाः हटिंग जुवाःताय। मनदो तोनोंगीग होड़ चोटरे नाःआ दिरि लुजरुः दो हाँय गिलाव जुवाःता।”]

1 पतरस 4:14

भगवानराः अगम मरंग बिरुवा अपे एचेरे इदा। हनालगा अपे ईसू मसी एचेरे बिसवासगेतान अते, होड़कू अपेकू एरंगवाता, दो अपेराः जीव भगवान नपायगोडता।

इबरानी 7:7

मरंगीग होड़ हुडिंगीग होड़ भलावातेडखने कतायता, आमराः जीव-जहनकून नपाय जुवाः, माःआन। नाःआ कता बदीरे अबूके तोनोंगाः जाः कोवानेःआ।

रूमी 9:32

चिला लगा नाःआ इया होयायना? इसराएल होड़कू भगवान एचेरे बिसवासकेडखन बेगर गारबार होड़कू बड़ाँः लगा मेरकू ओंगोलगाड, मनदो नियम मनाः लगाकू कुरनिसगे अते बेगर गारबार होड़कू बड़ाँः लगाकू ओंगोलतेड। हनालगा हँकुःआ इसराएल होड़कू, होड़कू एचे तामकूता हनानाः खुंटातेकू तोहोडयना,

मूक चेलाकू 6:7

दो हनन इया भगवानराः सरवन मुरुक होड़कू एचेरे सितराव ञवना। चेलाकू एरुसलेम सहररे मुरुककू बगरायान अरू मुरुक बगरा पुजउरी होड़कू हों ईसू एचेरेकू बिसवासतेरा।

मूक चेलाकू 24:5

अले नाँयग होड़ सिकिसता एमे होड़ अरू चउंदीसरिकुःआ जमा एहूदाकू बहकावतोले ञेलकिरिया अरू नाँय नासरी ञावराः गारबारतेःआ गउदारीग अगुवा होड़ हवे।

मूक चेलाकू 17:6

मनदो हँकू हँकिन मेरकू ञामगाडकिन दो आसोन अरू एटाः बिसवासी होड़कू हना सहररिकुःआ हातपात होड़कू एचेरेकू ओर अगूतेडकुःआ। अरू हँकू खिररी घड़ीनकू कताया, जमा चउंदीसरिकुःआ होड़कू हना नाःआ अगीकू एचे हड़ाःकूतना हँकुःआ होड़कू नंडा होंकू वेगकिया।

मूक चेलाकू 13:45

मनदो अदोम एहूदाकू नाःआमिन होड़कूकू ञेला दो, हँकू इरातेकू पेरेगयान अरू पउलूस कतातेरा हना कताकून बदीरे ओपता घड़ीनकू कताया।

मूक चेलाकू 4:26

चउंदीसरिकुःआ राजाकू अरू हातपात होड़कू, भगवान अरू आँयग मसी बदीरे कड़ीग लगाकू मिनी जुमूटयना।

एहुना 5:18

ईसू लोड़ोनराः दिन मेरेय मनावगाड अरू हाँय भगवान ईंग अपांग माःआन कता घड़ीन ईंग भगवान इया इदानिंगा, माःआने कतानता। हना ओजाहते एहूदाकू ईसू ञेड गोजेय लगा अरू मुरुककू कुरनिसतेरा।

एहुना 3:20

बेलूर बुताकूनकू एचेयता हँकुःआ होड़कू मरसल मेरकू मंजूरवाता। हँकूराः बेलूर बुताकून जमाकू सुदी अवेयता। हनालगा हँकू मरसल अगी मेरकू सेनता।

मती ओजाःतेरा भगवानराः नपाय सरवन 27:63

अरूकू कताया, “हाँयग अडिग होड़ जीयत दोहोन मेला नाःआ इयाय कतातेरा माःआनले उहियारगेतना, पेय दिन तयोमरेयिंग जियाव रिमुःता, माःआन।

मती ओजाःतेरा भगवानराः नपाय सरवन 12:46

दो ईसू होड़कू सुदाय बुतुड़ु मेला आँयगरीग एंगात अरू बोपोहकूतेन हाँय सुदा जुमाः लगाकू वेजेडा अरू हँकू हाँय सुदा बुतुड़ु लगाकू चहाःआ।

मती ओजाःतेरा भगवानराः नपाय सरवन 11:19

मनदो मनुवारीग बेटात जमाकूने जोमा अरूय ञूःआ अरू हँकू कतायतना, माँय हरहा होड़ हवे अरू कसूर होड़कू अरू मलगुजारी गोः होड़कूरीग सउंगता हवे, माःआन। मनदो भगवानराः कनहून इयाकू सलाःता हँकुःआ होड़कू नपाय दूररेकू सलाःता।”

इबरानी 7:1

नाँयग मलकिसिदिक सालेम सहररीग राजा अरू भाबी भगवानरीग पुजउरीय दोहोना। इबराहीम, राजाकू हरुवावतेडखने कुदान मेला मलकिसिदिक सुदाय जुमावनेना। अरू हनमेला मलकिसिदिक इबराहीमे भलावातेडखने कताया, आमराः जीव-जहन नपाय जुवाः, माःआन।

मूक चेलाकू 28:22

अले सुदीयतना नाःआ गारबारतेःआ गउदारिकुःआ होड़कू बदीरे जमा ततेररिकुःआ होड़कू मिरिस-मिरिसता। मनदो नँकुःआ होड़कू बदीरे आम एचेरे चिला ओंगोल इदा, हना आम अते अयुमे लगाले चहाःतना।”

लूका 2:35

जेमहा मुरुक बगरा होड़कूराः ओंगोल एटाःकू एचेरेय एचे सुदीगोड। अरू ने मरियम, आमराः जीव हों तलवइरते भोकात इया हुडिंग जुवाःता।”