लूका 2:2 - Korwa Bible

² सिरिया राइजरीग मरंग हातपात होड़ किरिनियूस दोहोना हनमेला मनाड़ंग ञाव एचे जोड़ाव होयानेना।

लूका 2:2 Referans Kwoze

लूका 3:1

तिबिरियास कइसर रूमी देसरीग मरंग राजा पंदरह बरिस वरीतेय दोहोना। हननमेला पुंतियूस पिलातूस, एहूदिया राइजरीग मरंग हातपात होड़े दोहोना अरू हरदोस, गलील छतररीग हातपात होड़े दोहोना अरू हाँय वगात पिलिपूस, इतुरिया छतर अरू तरकोनीतीस छतररीग हातपात होड़े दोहोना अरू लिसानियास, अबिलेना राइजरीग हातपात होड़े दोहोना।

मूक चेलाकू 26:30

दो राजा अरू मरंग हातपात होड़ अरू बिरनिके अरू हँकू सुदाकू दुड़ुःकुःआ हँकुःआ होड़कू जमाकू रेम चड़ाँयान।

मूक चेलाकू 23:26

अगम मान मरजइतगेयीग मरंग हातपात होड़ पेलिकस लगा कलाउदियूस लुसियास अगीते सलाम,

मूक चेलाकू 18:12

गलियो, अकाया छतररीग मरंग हातपात होड़े बड़ाँवनेन मेला, एहूदाकू पउलूस बदीरे मिनीनेनखन हाँय कोट कछेरीरेकू अगूतिरिया।

मूक चेलाकू 13:7

हाँय हना डुगुराः मरंगीग हातपात होड़ सिरगियूस पउलूसरीग सउंगताय दोहोना। हाँयग मरंगीग हातपात होड़ मुरुक कनहूनदार होड़े दोहोना अरू हाँय बरनाबास अरू साहूल अते भगवानराः सरवन अयूम लगा हँकिने एचे राःतेरा।

मूक चेलाकू 5:37

हना तयोमरे ञाव एचे जोड़ावराः बेला, जूदा ञावीग गलील छतररीग होड़ दोहोना। हाँय सुदा तोनोंग तोनोंग होड़कू होंय एचे जुमावतेडकुःआ। हाँय होंकू ञेड गोएग एंडातेरा अरू हाँयरिकुःआ सउंगताकू हों सितिर-बितिरयनाकू।

मती ओजाःतेरा भगवानराः नपाय सरवन 4:24

हाँयराः ञाव जमा सिरिया राइजरे जगावयान, अरू हाँय बदीरेकू अयूमतेरा, हँकुःआ होड़कू अँकूरिकुःआ हसूत होड़कू, अरू भूतकू समसावनेना हँकुःआ होड़कू, भपरी होड़कू अरू लकवा ञेडतेडकुःआ हँकुःआ होड़कू, हँकू जमाकू हाँय एचेरेकू अगूतेडकुःआ। अरू हाँय हँकुःआ जमा होड़कूय नपायतेरा।

लूका 2:1

हनानाः दिनरे अगसतस ञावीग रूमी देसरीग कइसर राजा नाःआ हुकुमे एमेतेरा, जमा रूमी देसरिकुःआ होड़कू मलगुजारी एमे लगा अँनकूराः ञाव एचे जोड़ाव इदा, माःआन।

लूका 2:3

हनालगा जमा होड़कू अँकू अँकू गाँवरे ञाव एचे जोड़ाव लगाकू सेनेडा।