लूका 2:10 - Korwa Bible

¹⁰ दो हाँयग बराहील कतातेड, “अहापे बोर। अपे एचेरे नपाय सरवन उदुःगे लगायिंग वेगकिया। नाःआ सरवनते जमा होड़कू बहाल जुवाःता।

लूका 2:10 Referans Kwoze

मती ओजाःतेरा भगवानराः नपाय सरवन 28:18

हनते ईसू हँकू एचेरे सेनेडखने कतातेरा, “सेरमो देस अरू ओतराः जमा हातपात भगवान ईंगे जिमावारा।

मती ओजाःतेरा भगवानराः नपाय सरवन 14:27

मनदो ईसू ओहेन हँकू सुदाय बड़रानेन अरूय कतातेड, “डीड़गुःपे! ईंग हवे। अहापे बोर।”

लूका 1:30

हनमेला सेरमो देसरीग बराहील हाँय सुदाय बड़रानेना, “मरियम, आम अलोम बोर। भगवान आमे मयावारा।

कुलूसी 1:23

मनदो मसीरे अपेराः बिसवास निठा अरू बनड़ियाड़गोड ञवन लगा इदा। अरू नपाय सरवनतेपे पवावकिया, हना असरा अपे अहापे अड़गे। अपे अयूमकेरा हनानाः नपाय सरवन चउंदीसरिकुःआ मुरुक होड़कू होंकू अयूमकेरा। अरू ईंग पउलूस ननानाः सरवन परसारगे लगा भगवानरीग सेवकिया होड़िंग बड़ाँवनेना।

मूक चेलाकू 13:32

भगवान अबूरिकुःआ खुटिपरिया होड़कू एचेरेय जबानतेरा हना जबान, हाँय ईसू गोएगतो होड़कू अतेय जियाव रेमकिरिगखन, अबू जूगरेय पुरावगोतेडा।

लूका 24:47

होड़कू हनाँयराः ञावते एरुसलेमते बुँहड़ीवाडखन जमा जइत होड़कू एचेरेकू परसारगेता, होड़कू कसूर अते जीवकू कुदाता दो हँकूराः कसूर ईसूराः ञावते भगवान बराव एंडागोडताय, माःआन।

लूका 8:1

हना तयोमरे ईसू एटाः एटाः गाँवकूनरे अरू सहरकूनरेय सेनेडा। हाँय होड़कू एचेरे सेनेडखन, भगवानराः राइजराः नपाय सरवने परसारतेरा। अरू ईसू सुदा आँयगरिकुःआ बारहो मूक चेलाकू हों दोहोना।

इपीसी 3:8

भगवानरिकुःआ जमा सुद होड़कू अते ईंग हुडिंगीग हवे। हनते हों बेगर एहूदाकू एचेरे मसीराः अगामाः आन-धान बदीरे कता उदुःगे लगा भगवान ईंगे मयावारा।

लूका 1:19

दो हाँय कतातेड, “ईंगराः ञाव जिबराएल हवे अरू ईंग भगवानिंग सेवाता। नुँहू नाःआ नपाय सरवन आम एचेरे कता लगा भगवान ईंगे वारकेरा।

लूका 1:13

सेरमो देसरीग बराहील हाँय सुदाय बड़रानेना, ने जकरिया, भगवान आमराः अरजीय अयूमकेरा। हनालगा आम अलोम बोर। आम अइमी इलिसिबाके मी होड़ हेरेल होन होयाःता अरू हाँयराः ञाव एहुना माःआनमे साब।

मरकूस 1:15

हाँय कताया, “नाःआ बेला भगवान तोल दोहोतेरा हना बेला हवे अरू भगवान अपे एचेरे राइजगे लगाय बुँहड़ीकेरा। हनालगा अपे कसूर अते जीवपे कुदा अरू नपाय सरवनरेपे बिसवासगे।”

रूमी 10:15

तोनोंगीग हँकू मेरकू वारकेकुः दो हँकू करा इया एटाःकू एचेरेकू कता उदुः अवेकेःआ? हनालगा भगवानराः कागदरे हँकुःआ होड़कू बदीरे नाःआ इया ओजाःतो इदा, “नपाय सरवनकू उदुःता हँकुःआ होड़कूराः काट तुमिन सुघर इदा!”

मरकूस 16:15

हनते ईसू हँकू एचेरेय कतातेरा, “अपे नाःआ जमा चउंदीसरिकुःआ होड़कू एचेरे सेनेकियानखन नपाय सरवनपे परसारगोड।

मती ओजाःतेरा भगवानराः नपाय सरवन 28:5

मनदो सेरमो देसरीग बराहील अइमीकिन एचेरेय कतातेड, “अबा अहाबा बोर। ईंग सुदीयतना कुरूसरेकू ठोंकाव गोएगतिरिया हाँयग ईसूराः मुरदाबा ञामतना।

लूका 2:11

तिसिंग दाऊदराः सहर बेतलहेमरे, अपे लगा मी होड़ सडावदार जनमावकिया। अरू हनाँय हवे, परबू मसी।