लूका 2:1 - Korwa Bible

¹ हनानाः दिनरे अगसतस ञावीग रूमी देसरीग कइसर राजा नाःआ हुकुमे एमेतेरा, जमा रूमी देसरिकुःआ होड़कू मलगुजारी एमे लगा अँनकूराः ञाव एचे जोड़ाव इदा, माःआन।

लूका 2:1 Referans Kwoze

लूका 3:1

तिबिरियास कइसर रूमी देसरीग मरंग राजा पंदरह बरिस वरीतेय दोहोना। हननमेला पुंतियूस पिलातूस, एहूदिया राइजरीग मरंग हातपात होड़े दोहोना अरू हरदोस, गलील छतररीग हातपात होड़े दोहोना अरू हाँय वगात पिलिपूस, इतुरिया छतर अरू तरकोनीतीस छतररीग हातपात होड़े दोहोना अरू लिसानियास, अबिलेना राइजरीग हातपात होड़े दोहोना।

मती ओजाःतेरा भगवानराः नपाय सरवन 24:14

अरू भगवानराः राइजराः नपाय सरवन चउंदीसराः जमा जइत होड़कू एचेरेकू परसारगेता। अरू हना तयोमरे चउंदीस टुटीग जुवाःता।

मूक चेलाकू 25:21

मनदो पउलूस कइसर मरंग राजा हाँय फड़ियावगे लगाय असेतेरा। दो हाँय कइसर मरंग राजा एचेरे रूमी सहर अगी, अरीनिंग वारगेय वरी तोलतोय दोहो ओवागेय लगायिंग हुकुमतेरा।”

पिलिपी 4:22

नाःआ सहररे अरू कइसर राजाराः ओड़ाःरे इदानकुःआ, भगवानरिकुःआ जमा सुद होड़कू अपेकू मसी सलामतना।

रूमी 1:8

अपेराः बिसवास बदीरे, चउंदीसरिकुःआ मुरुक होड़कू नपायकू कतायतना। हनालगा ईंग ईसू मसीते, मड़ंगरे अपे लगा अबूरीग भगवानिंग धनियाबादगेयतना।

मूक चेलाकू 11:28

हँकू अते मी होड़राः ञाव दोहोना अगबूस। हाँय जमाकू तलारे चड़ाँनेनखन सुद बिरुवा एचे कता इयाय कता उदुःतेरा, “जमा चउंदीसरे कतकाल होयाःता।” (अरू हना कतकाल मरंग राजा कलाउदियूस राइजगेःआ हनमेला होयानेना।)

मूक चेलाकू 25:11

गुजुः इयाःआ तोनोंगाः गारबारिंग एचेकेरा दो गुजुः अते बनसाः लगा मेरिंग चहाःतना। मनदो नँकू ईंगकू जाःतना हना कताकून अते तोनोंगाः कता सताय मेर दोहोना दो तोनोंगीग ईंग हँकू तिःईरे ओरोकू जिमा अवेतिरिंगा। दो नुँहू कनइसर मरंग राजा ईंग फड़ियावगींग लगायिंग असेयतना।”

मरकूस 16:15

हनते ईसू हँकू एचेरेय कतातेरा, “अपे नाःआ जमा चउंदीसरिकुःआ होड़कू एचेरे सेनेकियानखन नपाय सरवनपे परसारगोड।

मरकूस 14:9

अपे ईंगपे अयूम, जमा चउंदीसरे तोनोंगाः ततेररे नपाय सरवनकू परसारगेता, हंडा नाँयराः बुताराः बदीरे होड़कूकू कता उहियारता।”

मती ओजाःतेरा भगवानराः नपाय सरवन 22:17

दो अले उदुःवालेमे आम चेले माःआनमे ओंगलेतना? कइसर राजा मलगुजारी एमेवाय लगा नपाय इदा जा कोवान?”

लूका 2:3

हनालगा जमा होड़कू अँकू अँकू गाँवरे ञाव एचे जोड़ाव लगाकू सेनेडा।

लूका 2:5

मरियमराः मंगा बरा उसूप सुदा होयानेना अरू मरियम भरी पावरेय दोहोना। दो हँकिन बना होड़ ञाव एचे जोड़ाव लगा बेतलहेम सहररेकिन सेनेडा।