लूका 19:7 - Korwa Bible

⁷ नाःआ ञेलवाडखन होड़कू ईसूराः बदीरे कुरबुराः घड़ीनकू कताया, “माँय कसूर होड़राः ओड़ाःरे गुतियाय सेनेकिया।”

लूका 19:7 Referans Kwoze

लूका 15:2

दो फरीसी होड़कू अरू नियम चेडदार होड़कू जहड़-बेडेग घड़ीनकू कताया, नाँय दो कसूर होड़कू सुदाय जुमाःता अरू हँकू सुदाय जोमता, माःआन।

लूका 7:39

ईसूय राःतेरा हाँयग फरीसी होड़ हना ञेलतेडखन अनँयग जीवरेय ओंगोलतेरा, नाँय दो कसूर अइमी हवे। ईसू सतायरे भगवानराः बड़रा कतायीग होड़ दोहोकुः दो सुदीगोडकेःआय करा इयायीग अइमी ईंग काटे टोँवावतना, माःआन।

लूका 7:34

मनुवारीग बेटात जमाकूने जोम ञूःआ अरू अपे कतायता, माँय हरहा होड़ अरू मतवाड़ होड़ हवे। अरू माँय कसूर होड़कू अरू मलगुजारी गोः होड़कूरीग सउंगता हवे, माःआन।

मती ओजाःतेरा भगवानराः नपाय सरवन 9:11

दो फरीसी होड़कू नाःआ ञेलतेडखन ईसूरिकुःआ चेलाकू एचेरेकू होंबोरतेड, “अपेरीग गुरुजी चिला लगा मलगुजारी गोः होड़कू अरू एटाः कसूर होड़कू सुदाय जोमता?”

लूका 5:30

हना अयूमतेडखन फरीसी होड़कू अरू नियम चेडदार होड़कू ईसूरिकुःआ चेलाकू एचेरे कुरबुराः घड़ीनकू कताया, “अपे चिला लगा मलगुजारी गोः होड़कू अरू एटाः कसूर होड़कू सुदापे जोम ञूयता?”

मती ओजाःतेरा भगवानराः नपाय सरवन 20:11

हँकू बनीकू पवावनेन दो ढिबुवा ञेलतेडखन मालिक एचेरे कुरबुराः घड़ीनकू कतातेरा,

लूका 19:6

हनते जकई ओहेन सींग दूब अते उतरावकियानखन बहालते ईसू अनँयग ओड़ाःरेय गोःयाडीग।

लूका 19:8

दो जकई चड़ाँनेनखने कताया, “ने परबू अयुमेमे, ईंगराः आन-धानरे अदोम ईंग गरीब होड़कू लगायिंग हटिंगगोडता। ईंग तोनोंगीग होड़ अते अडिग गोःकेड दो, हनाराः चइर गुना ईंग एमे कुदागोडवाकूता।”

मती ओजाःतेरा भगवानराः नपाय सरवन 20:4

हँकू ञेलतेडखन हाँयग मालिक कतातेड, अपे हों ईंगराः अंगूर बगइचारे बुता लगापे सलाव जुवाः अरू अपेराः बुता बनी बड़ाँःतना हनामिनिंग एमेवापेता।