लूका 19:27 - Korwa Bible

²⁷ हनते मालिक कताया, “ईंग अँकूरीग राजा बड़ाँवगींग लगा मेरकू चहाःआ हँकुःआ मुदइ होड़कू नंडापे अगूकू अरू ईंग मड़ंगरेपे ञेड एंडाकू, माःआन।”

लूका 19:27 Referans Kwoze

लूका 19:14

मनदो गिरहत होड़राः सहररिकुःआ होड़कू हाँयकू हिनइस-बिनइसवाःआ अरू तोनोंग तोनोंग होड़कू नाःआ इया कताय लगाकू वारतेडकुःआ, नाँयग होड़ अलेरीग राजा बड़ाँः लगा अले मेरले चहाःतना, माःआन।

इबरानी 10:13

अरू अनँयगरिकुःआ मुदइ होड़कू हरुवावकेडकूखन अनँयगराः काट हँकू चोटरे चोड रोपाः लगा भगवान अरीने तुलाकू वरी हाँय ततंगीतना।

मती ओजाःतेरा भगवानराः नपाय सरवन 22:7

हनते राजा रीस भीकयान अरू हाँय अनँयगरिकुःआ सइना होड़कूतेन वारतेडखन, सेवकिया होड़कूकू ञेड एंडातेरा हँकुःआ होड़कूय, एचे ञेड एंडागोतेडकू अरू हँकूराः सहरे एचे बाल लो एंडागोतेड।

लूका 21:22

नाःआ डंड गोःराः बेला होयाःता अरू भगवानराः कागदरे ओजाःतो इदा हना जमाकून पुराव जुवाःता।

लूका 20:16

हाँय वेगवाडखन हँकुःआ अधियादारकूय ञेड एंडाकूता अरू अंगूर बगइचा एटाः होड़कूय जिमागोडवाता।” नाःआ कहड़ी अयूमवाडखन होड़कू कताया, “नाःआ इया कहियो अलो होयाः।”

लूका 21:24

मुदइकू तलवइरतेकू ञेड एंडनता अरू होड़कू तोलकेडकूखन एटाः एटाः देसरेकू गोःयाकूता। बेगर एहूदाकूराः बेला अरीन पुराः वरी एरुसलेम सहररिकुःआ होड़कू हरुवावकेडखन मुरुककू रमदावकूता।”