लूका 19:21 - Korwa Bible

²¹ आम कटकट जीव होड़ इदानमेःआ। हनालगा ईंग आमिंग बोरोवाःआ। आमराः मेर दोहोनता हनाम गोःता अरू आम मेरेम वेरकता हनाम ईरता, माःआन।

लूका 19:21 Referans Kwoze

जूदा 1:15

भगवानराः ओंगोल अते एटाः इया गारबारकू एचेकेरा हँकुःआ जमा कसूर होड़कू अरू हाँयग ओंगोल इया कोवाकुःआ हँकुःआ कसूर होड़कू आँयग बदीरेकू कताकेरा हना जमा बेलूर बड़रा लगाय डंडियावकूता, माःआन।

1 एहुना 4:18

डंडियाव ओंगोलतेबू बोरो जुवाःता अरू बोरता हाँयग होड़ एचेरे उडु-बुडू दुलार कोवानेःआ। हनालगा दुलारता हाँयग होड़ एचेरे बोर मेर दोहोनता, मनदो उडु-बुडू दुलारते बोर अबू जीवते ञीर जुवाःता।

एकूब 2:10

अपे मिनीटोंग नियमपे टड़ावगोडता दो, जमा नियमकूने टड़ावकेरा हाँयग होड़ इया डंडपे पवाःता।

2 तिमुतियूस 1:7

भगवान अनँयग सुद बिरुवा अबू पोंकाहन लगा मेरेय एमेगडा, मनदो भगवानाराः सुद बिरुवा अबू जीव बड़ियाड़गुः लगा अरू एटाः होड़कू अलार-दुलारकू लगा अरू अबू ओंगोल समझाः घड़ीन जियाः लगाय एमेकेरा।

रूमी 8:15

अपे सुद बिरुवापे पवावकियानते पोंकाहा बेगारी होड़कू इया दोहोन लगा कोवानेःआ, मनदो भगवान आँयगराः बिरुवाते अनँयग लइंकू इयाय समुटावकेडपेःआ। नाःआते अबू हाँय, ने अबबा, ने अपांग, माःआन चइड़ घड़ीनबू राःगेयता।

रूमी 8:7

कसूर लूर-नेवन इयाकुःआ होड़कू नियमकून मेरकू मनाःता अरू ओरोकू मनाव अवेनेना,

लूका 19:20

अरू मी होड़ सेवकिया होड़ हाँय एचेरेय वेगवाडखने कताया, ने मालिक, नेहेन ञेलमे। सोनाराः आमराः रिचकी ढिबुवा नंडा इदा। नाःआ ईंग तउलीयारे तोलकेडखनिंग दोहोकेरा।

लूका 19:22

दो मालिक कताया, आम बेलूर सेवकिया होड़ इदानमेःआ। आम कताकेरा हनानाः कताते आमिंग फड़ियावता। आम सुदीया, ईंग कटकट जीव होड़ हवे अरू ईंगराः मेर दोहोनता हनायिंग गोःता अरू मेरिंग वेरकता हनायिंग ईरता, माःआन।