लूका 19:16 - Korwa Bible

¹⁶ दो मड़ंगीग होड़ वेगवाडखने कताया, मालिक आम ओवातिरिंगा हनाते ईंग दस गुना नफायिंग उडुंगकेरा, माःआन।

लूका 19:16 Referans Kwoze

1 कुरिंती 15:10

मनदो भगवान ईंगे मयावारा। हनालगा नुँहू ईंग इदानिंगा हनानाःयिंग बड़ाँवनेना। अरू हाँय ईंगे मयावारा हना ईंग जीवरे सदाःआ मेर होयागना। हनते हों ईंग ईसूरिकुःआ एटाः मूक चेलाकू अते मुरुक बगरा मिहनइत घड़ीनिंग बुतातना। मनदो नाःआ बुता ईंग इनिंगराः जंगरते मेरिंग बुतातना। भगवान ईंगे मयावारा अरू हनानाः मया ईंग बुनुतागोड ञवन लगा संघरा एमेता।

लूका 19:13

हाँय सेन अते मड़ंग अनँयग दसटोंग सेवकियाकूतेने राःतेरा अरू मेमेड होड़ मेमेड होड़ एचेरे मेमेडटोंग सोनाराः रिचकी ढिबुवा एमेतेडखन हँकू एचेरेय कताया, ईंग अरीनिंग कुदा वेग वरी अपे नानाःतेपे पुंजियावगे। हनते हाँय तोराय।

लूका 19:15

हना तयोमरे हाँय राजाय बड़ाँवयान अरू अनँयग ओड़ाःय कुदा वेगयान। सोनाराः रिचकी ढिबुवाकूने एमेतेरा, हँकुःआ होड़कू करा इया पुंजीकू बड़हावकेरा हना जासगे लगाय राःतेडकुःआ।

लूका 19:17

मालिक हाँयग सेवकिया होड़ भलावातेडखने कताया, आम मुरुक नपायतेम बुताकेरा। आम गुनमिनाःरे बिसवासगेयीगमे दोहोना। नुँहू आम दसटोंग सहररीग हातपात होड़मे बड़ाँव जुवाः, माःआन।