लूका 18:37 - Korwa Bible

³⁷ दो हँकुःआ होड़कू हाँय एचेरेकू कताया, “नसरत सहररीग ईसू नाःआ दूरतेय पारतना।”

लूका 18:37 Referans Kwoze

मती ओजाःतेरा भगवानराः नपाय सरवन 2:23

हनते हाँय नसरत सहररेय सेनेडखन हंडाय बसावनेना। मड़ंगरे भगवानराः बड़रा कता होड़कू कतातेरा, “हाँय नसरतरीग होड़ माःआनकू कतावायता,” हनन इया नाःआ होयाकिया।

2 कुरिंती 6:2

भगवान नाःआ इया अनँयगराः कागदरेय कताकेरा, “ईंग तोल दोहोतेरा हनानाः बेला अपे मयावाडखनिंग अयूमतेरा, अरू सडावराः दिनरे अपेयिंग संघरावातेरा।” दो अपे ईंगपे अयूम, दोहोत बेला ननानाः हवे अरू सडावराः दिन तिनिसिंग इदा।

मूक चेलाकू 4:10

दो अपे अरू जमा इसराएलरिकुःआ होड़कू नाःआ कतापे सुदीगे लगा इदा। अपे कुरूसरेपे ठोंकाव गोएगतिरिया अरू भगवान गोएगतो होड़कू अतेय जियाव रेमकिरिया हाँयग नसरतरीग ईसू मसीराः ञावते अपे मड़ंगरे चड़ाँत इदानिया नाँयग होड़ नपाययनाय।

मूक चेलाकू 2:22

ने इसराएल होड़कू, ईंगपे अयूम, अपे तलारे ञेनेल ञेलरे होड़कू नपाय जुवाःता हना बुता, मुरुक बयाव जुवाः इयाःआ बुताकून अरू चिनहाकून नसरत सहररीग ईसूते एचेतेडखन भगवान हाँये लुंबाड़ दोहोकिरिया, हना कता अपे नपायतेपे सुदीयतना।

एहुना 19:19

पिलातूस ईसू बदीरे मीटोंग जाः सरवन एचे ओजाःतेडखन हना कुरूसरेय एचे ठोंकावतेरा। हना सरवन नाःआ इया ओजाःतो दोहोना, नसरेतरीग ईसू, एहूदाकूरीग राजा।

एहुना 1:45

दो पिलिपूस, नतनएल सुदा जुमावनेनखन हाँय एचेरेय कतातेरा, “भगवानराः नियम कागदरे मोसेस अरू भगवानराः बड़रा कता होड़कू इये बदीरेकू ओजाःतेरा, हाँयग होड़ सुदाले जुमावनेना। अरू हनाँय हवे नसरत सहररीग उसूपरीग बेटात ईसू।”

लूका 2:51

हना तयोमरे ईसू एंगात अपात सुदा नसरेतरेय कुदा सेनेडा। अरू हाँय हँकिनराः जमा कताय मनवेःआ। मरियम हना कता मेरेय लिड़िंगाड अरू अनँयग जीवरेय ओंगोल दोहोगोतेड।

लूका 18:36

हाँय मुरुक बगरा होड़कूराः अरो अयूमवाडखन होड़कू एचेरेय होंबरेःआ, “नाःआरे चिला होयाःतना?”

लूका 18:38

दो हाँय खिररी घड़ीने कताया, “ने ईसू, दाऊद राजारीग नइड़-बाँस होड़, ईंगमे सोगावा।”