लूका 18:32 - Korwa Bible

³² एहूदाकू हाँय बेगर एहूदाकू एचेरेकू जिमागेयता। हँकुःआ होड़कू हाँयकू लंदा एरांगवायता अरू बेग-हतावायताकू अरू हाँय चोटरेकू बेगगोडता।

लूका 18:32 Referans Kwoze

लूका 23:11

नाःआ अयूमतेडखन हरदोस आँयग सइनाकू सुदा ईसू बेग-हतावातिरिगखनकू लंदा एरंगवाया। हँकू ईसू राजाकू तुसिंगगेता हना इयाःआ नपाय सोनहे एचे तुसिंगवडीगखन पिलातूस एचेरेकू गोः कुदातिरिया।

मूक चेलाकू 3:13

इबराहीमरीग भगवान अरू इसहाकरीग भगवान अरू एकूबरीग भगवान अरू अबूरिकुःआ जमा खुटिपरिया होड़कूरीग भगवान, आँयग सेवकिया ईसूय मान मरजइतकेरा। अपे इसराएल होड़कू ईसू ञेड एंडागेय लगा रूमी देसरीग मरंग हातपात होड़ पिलातूस एचेरेपे जिमातिरिया अरू हाँय ईसूय एचे अड़ाःगेय लगाय ओंगोलतेरा, मनदो अपे हाँय मड़ंगरे ईसूपे आड-बेकारवातिरिया।

मरकूस 14:65

दो अदोम होड़कू ईसू चोटरेकू बेगतेरा अरू अदोम होड़कू मेड हुमूतेनकू तोल रेडगोतेड अरू मुटकातेकू ञेंडेया। हँकू हाँय एचेरेकू कताया, “भगवानराः बड़रा उदुःगेमे।” अरू अगुरा होड़कू हों हाँयकू चपड़तेरा।

मती ओजाःतेरा भगवानराः नपाय सरवन 26:67

दो हँकुःआ होड़कू ईसू चोटरेकू बेगतेरा अरू मुटकातेकू ञेंडेया। अरू अदोम होड़कू हाँयकू चपड़तेरा,

मती ओजाःतेरा भगवानराः नपाय सरवन 16:21

हना वरीते ईसू अनँयग चेलाकूतेने कता उदुःआ, “ईंग एरुसलेम सहररे सेन लगा इदा अरू एहूदाकूरिकुःआ मूक होड़कू, मरंग पुजउरीकू अरू नियम चेडदार होड़कू मुरुककू संतावगींगता अरूकू ञेड एंडागोडिंगता। मनदो ईंग पेय दिनरेयिंग जियाव रिमुःता।”

मूक चेलाकू 2:23

भगवान मड़ंगरेय ओंगोल दोहोतेरा हना ओंगोल अरू बुइद इया नाँयग होड़ अपे एचेरेय जिमातिरिया अरू बेगर एहूदाकूराः संघराते अपे हाँय कुरूसरेपे ठोंकाव गोएग एंडागोतेडीग।

एहुना 18:35

हनते पिलातूस कतातेरा, “ईंग एहूदा होड़ हवे जा? अनमरिकुःआ होड़कू अरू मरंग पुजउरी होड़कू आम ईंग एचेरेकू अगूकेडमेःआ। उदगेमे, आम चिलाम एचेकेरा?”

एहुना 18:30

दो हँकू कतातेड, “नाँय कसूर होड़ मेरेय दोहोकुः दो अले आम एचेरे चिला लगाले अगूकेया?”

एहुना 18:22

ईसू नाःआ इयाय कतातेड दो ईसू कुटीरे चड़ाँतेय दोहोना भगवानराः ओड़ाःरीग मी होड़ अगुरा होड़ चपड़तिरिगखने कताया, “मूक पुजउरी एचेरे आम नाःआ इयाम कतायता जा?”

लूका 23:35

होड़कू चड़ाँकियानखनकू ञेला। अरू हातपात होड़कू लंदा एरांगवाडिगखनकू कताया, “नाँय एटाः होड़कूय सडावतेडा। नाँय भगवान लुंबाड़किरिया हाँयग मसी हवे दो, चिला लगा अनँयग आँयग मेरेय सडावगुःतना?”

लूका 23:1

हनते मरंग पंचाइतरिकुःआ जमा होड़कू रेमनेनखन रूमी सरकाररीग हातपात होड़ पिलातूस एचेरे ईसूकू गोःयाड।

मती ओजाःतेरा भगवानराः नपाय सरवन 27:2

हनते हँकू ईसूकू एचे तोलतिरिया अरू एहूदिया छतररीग मरंग हातपात होड़ पिलातूस एचेरेकू गोःतिरिया।

एहुना 18:28

हनते एहूदा होड़कूरिकुःआ मूक होड़कू ईसू कइपाराः ओड़ाः अते रूमी देसरीग हातपात होड़ पिलातूसराः गड़हीरे अंगुः बेलाकू गोःतिरिया। हँकू, छेप जुवाःताबू, माःआनते गड़हीरे मेरकू बोलोगान, जेमहा हँकू पसहा परोबकू मनाव अवेन।

मरकूस 15:1

निंदावा ओहेन, मरंग पुजउरीकू अरू इसराएलरिकुःआ मूक होड़कू, नियम चेडदार होड़कू अरू मरंग पंचाइतरिकुःआ जमा होड़कू सलाहनेनखन ईसूकू एचे तोलतेरा अरू हातपात होड़ पिलातूस एचेरेकू इदीतिरिया।

मती ओजाःतेरा भगवानराः नपाय सरवन 20:19

अरू बेगर एहूदाकूराः तिःईरेकू जिमागेयता अरू लंदा एरंगवा घड़ीनकू ञेडेयता अरू कुरूसरेकू ठोंकाव गोजेयता। मनदो पेय दिनरेय जियाव रिमुःता।”

मती ओजाःतेरा भगवानराः नपाय सरवन 22:6

अरू एटाः एटाः होड़कू, हँकुःआ सेवकियाकूकू साबतेरा अरू बेग-हतावातेडकूखन ञेड एंडागोतेडकुःआ।

लूका 18:33

हँकुःआ होड़कू हाँय गुरुंदतेकू ञेंडेयता अरू ञेड एंडागोडेयताकू। हनते भगवान हाँय पेय दिनरेय जियाव रिमुःता।”

एहुना 18:32

ईसू अनँयग गुजुःराः बदीरेय कतातेरा हना इया होनोयाः लगा नाःआ इया होयानेना।