लूका 18:23 - Korwa Bible

²³ हाँयग होड़ मुरुक गिरहते दोहोना। हनालगा नाःआ बड़रा अयूमकेडखन हाँयराः जीव मुरुक हुडिंगयान।

लूका 18:23 Referans Kwoze

1 एहुना 2:15

अपे चउंदीस सहे चउंदीसराः तोनोंगाः जिनिस अलोपे अलार-दुलारगे। अपे चउंदीसराः जिनिसकूनपे अलार-दुलारगे दो, अबूरीग अपांग भगवान ओरोपे दुलार अवेतिरिया।

लूका 21:34

“जोम ञूयते अरू बुनूलते अरू चउंदीसराः एटाः एटाः ओंगोल कुहकाःते अपेराः जीव अलो बेरुजगुः लगा सवासितीपे दोहोन। निही दो हना टुटीगगुःराः दिन अपे जीवरे फंदा इया असाका वेगता।

लूका 12:15

अरू ईसू हँकुःआ होड़कू एचेरेय कताया, “सवासितीपे दोहोन। जमा इयाःआ ललची अते अपेराः जीवपे बनसाव। तोनोंगीग जमा जइतकूने किजा जुमावगोड हों हाँयराः जीव नपाय ओरो दोहोनेना।”

लूका 8:14

जनुम बुदारे लोजोरनेना हना बिहान नाःआ इया होड़कू हवे। हँकू सरवनकू अयुमेता, मनदो सेनेन सेन दूररे चउंदीसराः ओंगोल, आन-धानराः ओंगोल अरू तोनोंग तोनोंग ललचीरे तेन जुवाःता अरू जोःओ मेर बेलेःता।

मरकूस 10:22

हाँयग होड़ मुरुक गिरहते दोहोना। हनालगा हाँय नाःआ बड़राय अयूमतेरा अरू हाँयराः जीव हुडिंगयानखन ओड़ाः अगी तोराय।

मती ओजाःतेरा भगवानराः नपाय सरवन 19:22

हाँयग डिंघा होड़ मुरुक गिरहत होड़े दोहोना। हनालगा हाँय नाःआ कताय अयूमतेरा दो, अनँयग जीव हुडिंगनेनखन ओड़ाःए कुदायान।

कुलूसी 3:5

चउंदीसराः बेनेलूराः नेवन इया अलोपे सलाः। बेलूर बुता, सनहा-सनही, अरू बेनेलूर ओंगोल, नाःआ जमाकून अपेराः जीव अते हिर-हिटीपे अनाड़ाः एंडागोड। लुभिया ओंगोल मुरती सेवा इया इदा। हनालगा अपे लुभिया होड़कू अहापे होयाः।

पिलिपी 3:8

हाव, परबू ईसू मसी नपायते सुदीगेय लगायिंग चहाःतना अरू हाँयिंग सुदी, ईंग लगा जमालेःआते मनइद कता हवे। ननानाः लगा मड़ंगरे ईंग लगा नफा दोहोना, हनानाः कताकून सदाःआ इदा माःआन ओंगोलतेडखनिंग अड़ाःगोतेडा। अरू ईसू ईंग पवाः लगा अरू हाँय सुदा मिनी जुवाः लगा हना जमाकून खरसी हवे माःआनिंग ओंगलेतना।

इपीसी 5:5

सनहा-सनही, बेलूर बुता सहे ललची ओंगोल, मुरती सेवा हवे। अरू नाःआ इयाकू एचेयता, हँकुःआ होड़कू लगा ईसू मसी अरू भगवानराः राइजरे तोनोंगाः इताड कोवानेःआ।

लूका 19:8

दो जकई चड़ाँनेनखने कताया, “ने परबू अयुमेमे, ईंगराः आन-धानरे अदोम ईंग गरीब होड़कू लगायिंग हटिंगगोडता। ईंग तोनोंगीग होड़ अते अडिग गोःकेड दो, हनाराः चइर गुना ईंग एमे कुदागोडवाकूता।”

लूका 18:22

नाःआ अयूमवाडखन ईसू कताया, “आमके मीटोंग कता अरू एएचे इदा। आमराः जमा बरानाः अकिरिंगवाडखन गरीब होड़कूम हटिंगोडवा। दो सेरमो देसरे मुरुक नपाय नपाय इमानमे पवाःता। अरू नाःआ एचेकेडखन ईंग देह दूररेम ओतोंग वेग।”

लूका 18:24

ईसू हाँयग होड़ ञेलवाडखने कताया, “गिरहत होड़कू भगवानराः राइजरे बोल लगा मुरुक मसकिल इदा।