लूका 18:14 - Korwa Bible

¹⁴ दो ईसू चेलाकू एचेरेय कताया, “अपे ईंगपे अयूम, हाँयग फरीसी होड़ कोवान, मनदो मलगुजारी गोः होड़ भगवान ओंगोलरे बेगर गारबार होड़े बड़ाँवनेना। अनँयग आँयग मरंगे ओंगलुःता हाँय भगवान हुडिंगे बड़ाँवगेयता अरू अनँयग आँयग हुडिंगे ओंगलुःता हाँय भगवान मरंगे बड़ाँवगेयता।”

लूका 18:14 Referans Kwoze

लूका 14:11

दो ननन इया अनँयग आँयग मरंगे ओंगलुःता हाँयग होड़ भगवान हुडिंगे बड़ाँवगेयता अरू अनँयग आँयग हुडिंगे ओंगलुःता, हाँय भगवान मरंगगे बड़ाँवगेयता।”

लूका 16:15

दो ईसू हँकू एचेरेय कताया, “अपे एटाः होड़कू मड़ंगरे नपाय होड़कू इयापे एचे अडिगतना। मनदो भगवान अपेराः जीव जमाय सुदीतना। होड़कू मरंगकू ओंगलेता हना जिनिस भगवान मरंग मेरेय ओंगलेता।

एकूब 4:10

परबू भगवान मड़ंगरे हुडिंगपे ओंगलुः दो, हाँय अपे मरंगे बड़ाँवपेता।

मती ओजाःतेरा भगवानराः नपाय सरवन 23:12

अनँयग आँयग मरंगे ओंगलुःता हाँयग होड़, भगवान हुडिंगे बड़ाँवगेयता। अरू अनँयग आँयग हुडिंगे बड़ाँःता हाँयग होड़, भगवान मरंगे बड़ाँवगेयता।

एकूब 4:6

मनदो भगवान होड़कू अरूय मयावाकूता। हनालगा भगवानराः कागदरे नाःआ इया ओजाःतो इदा, “भगवान बड़वार होड़कूय हिनइस-बिनइसवाकूता, मनदो हुडिंगकू उंगलुःता हँकुःआ होड़कूय मयावाकूता।”

लूका 1:52

भगवान, राजाकू अँकूराः हातपातराः गदी अतेय उडुंगगोतेडकू, मनदो अँननकू हुडिंगकू ओंगलुःआ, हँकुःआ होड़कू भगवान मरंगे तुलागोतेडकू।

मती ओजाःतेरा भगवानराः नपाय सरवन 5:3

“भगवानराः कताकून बदीरे गरीब इदानकुःआ हँकुःआ होड़कूराः जीव-जहन, भलावाडखने नपायगेयता, अरू सेरमो देस हँननकूराः हवे।

गलातिया 2:16

तोनोंगीग होड़ एहूदाकूराः नियमकून मनाः अते भगवान हाँय कसूर अते फड़ियावतो होड़ मेरेय बड़ाँवगेयता। मनदो हाँय ईसू मसी एचेरेय बिसवासगेता दो, हनानाः अते भगवान हाँय कसूरते फड़ियावतो होड़े बड़ाँवगेयता, माःआनले सुनुदीयतना। हनालगा अले एहूदाकू हों नियमकूनले मनाःता हना अते कोवान, मनदो ईसू मसी एचेरेले बिसवासगेता हना अते भगवान अले कसूर फड़ियावतो होड़कूय बड़ाँवकेडलेःआ।

रूमी 4:5

मनदो अपे तोनोंगाः एचेकेडखन भगवान ओरोपे एचे मने अवेतेडिया। भगवान एचेरे कसूर होड़कू बिसवासगेता, अरू हनानाः एकलाते हाँय हँकूय मनेवाता।

रूमी 3:20

दो तोनोंगीग होड़ नियम मनाः लगा कुरनिसगे अते भगवानराः ओंगोलरे बेगर गारबारीग होड़ ओरोय बड़ाँवनेना मनदो नियमते अबू सुदीगोडता, अबू कसूर होड़कू इदानबुःआ, माःआन।

लूका 10:29

हाँयग होड़ अनँयग आँयग बेगर गारबार होड़ उदुःगुः लगा ईसू एचेरेय होंबरेःआ, “ईंग परुसी इये हवे?”

रूमी 8:33

अबू भगवानरिकुःआ सुनावतो होड़कू हवे, दो इये बदी अवेबूता? भनगवान हमा अबू फड़ियावतो होड़कूय बड़ाँवकेडबुःआ। हनालगा तोनोंगीग अबू ओरोय बदी अवेतेडबुःआ।

रूमी 5:1

अबू बिसवासकेडखन बेगर गारबार होड़कूबू बड़ाँवयना दो नुँहू अबूरीग परबू ईसू मसीते भगवान सुदा हेल-मेलरेबू दोहो अवेनता।