Biblia Todo Logo
Bib sou entènèt

- Piblisite -




लूका 17:30 - Korwa Bible

30 मनुवारीग बेटात अनँयग एचे ञिलुःता हना दिनरे हों ननन इया होयाःता।

Gade chapit la Kopi




लूका 17:30
22 Referans Kwoze  

ञेलेयपे, हाँय बदरीरेय कुदा वेगता, अरू जमा होड़कू हाँय अगीकू ञेलता, हाँयकू सोबोःतेरा हँकुःआ होड़कू हों हाँयकू ञेलता, अरू चउंदीसरिकुःआ जमा होड़कू हाँय बदीरेकू फिकिराःता। अरू हनन इया होनोया जुवाःता। आमीन!


ईसू मसी हितकाःतो सेंगेलरे भगवानरिकुःआ जंगरदार बराहीलकू सुदा सेरमो देस अते वेग मेला, अले सुदा सिकिसतारे इदानपेःआ अपे लोड़ोन लगाय एमेवापेता।


दो अपे अबूरीग परबू ईसू मसीराः कुदा वेग लगापे टकागोड ञवन मेला, सुद बिरुवाराः दहिन बदीरे अपे जीवरे तोनोंगाः हुडिंग बगरा ओरो होयानेना।


हनालगा ईंगरिकुःआ अजी बोपोहकूतिंग, अपे नपाय एचेय लगा सपड़ावतोपे दोहोन अरू ओंगोल समझाव घड़ीनपे दोहोन। अरू ईसू मसी अनँयग आँयग एचे ञिलुः मेला भगवान अपेय मयावा लगापे असरागोड ञवन।


तोनोंग दिनरे लाय जुवाःता हना सोना हों नपाय होयाः लगा सेंगेलरेकू गरावगेता। अपेराः बिसवास सोना अते मुरुक नपाय इदा, अरू हना बिसवास सताय हवे माःआन जासबाःका लगा, नाःआ कटसिया अपेराः जीवरे होयाःता। अरू ईसू मसी अनँयग आँयग होड़कू एचेरेय एचे ञिलुः मेला, अपेराः सताय बिसवास बदीरे भगवान अपे मरंगे ओंगोलपेता अरू अपे बदीरे भल-भलायकियानखने मान मरजइतपेता।


हनमेला मनुवारीग बेटात जंगर अरू मुरुक मरसलते बदरीरेय वेगता अरू जमा होड़कू हाँयकू ञेलेयता।


हनते ईसू जइतून पहाड़रेय दुड़ुःकुःआ। हनमेला हाँयरिकुःआ चेलाकू हाँय एचेरे एकला सेनेवाडखनकू होंबोरतिरिया, “ने गुरुजी आम उदुःवालेमे, नाःआ कता तुमिस होयाःता? आमराः कुदा वेग अरू चउंदीस टुटीगगुःराः चिनहा करा इया दोहोनता?”


मनुवारीग बेटात, सेरमो देसरिकुःआ बराहीलकू सुदा अपांग भगवानराः विड़चेड़तो मरसलरेय वेगता अरू हना बेला जमा होड़कू लगा अँनकूराः बुता बनीय एमेवाकूता।


मनदो अपे जेमिन ईसू मसीराः कटसियारेपे मेसानता, हिनिनमिनपे बहालगुः, जेमहा ईसू मसी जमा होड़कू अते मान मरजइते पवाः मेला, अपे हों मुरुक बहालतेपे भबराः।


हनमेला जमा होड़कू मनुवारीग बेटात, मुरुक जंगर अरू मरसलते बदरीरेय वेगतोकू ञेलेयता।


दो ईसू कतातेड, “आम अनम कताकेरा। मनदो ईंग अपे एचेरेयिंग कतायतना, अपे मनुवारीग बेटात, अगम जंगरदार भगवानराः खउना गतर दुड़ुःतो अरू सेरमो देस अते बदरीरे उतराव वेगतोपे ञेलेयता।”


पुरा दाः वेग वरी हँकू तोनोंगीग मेरकू सुदीगाड अरू जमा होड़कू हना दाःरेकू तू एंडायान। हनन इया मनुवारीग बेटात वेग मेला हों होयाःता।


मनुवारीग बेटात कुदा वेगता हना दिन नूहराः परियारे होयानेना हना इया होयाःता।


नाःआ डंड गोःराः बेला होयाःता अरू भगवानराः कागदरे ओजाःतो इदा हना जमाकून पुराव जुवाःता।


ठेड़ररे विड़चेड़ता अरू सेरमोराः चइरो गतर मरसल जुवाःता। हनन इया मनुवारीग बेटात आँयगराः दिनरेय एचे ञिलुःता।


मनदो हाँयग लूत सोदोम सहर अते उडुंगनेना, हनानाः दिन सेरमो अते सेंगेल अरू हितकाःतो लेटे दिरि लोजोरनेना अरू जमा होड़कू लाय एंडागोतेडकू।


भगवान टुटीग दिन वरी अपेराः जीवे बड़ियाड़गोड ञवनता, जेमहा अपे ईसू मसी कुदा वेगता हना दिन वरी बेगर गारबारतेपे दोहोन।


ईसू मसी अबूराः जीव हवे, अरू हाँय अनँयग एचे ञिलुः मेला, अपे हों हाँय सुदापे ञिलुःता अरू हाँय सुदा मान मरजइतपे पवाःता।


ने ईंगरिकुःआ लइंकू इया होड़कू, ईंग अपे एचेरेयिंग कतायतना, मसी सुदापे सनालाव ञवन, दो हाँय सेरमो देस अते कुदा वेग मेला, अपे डीड़तेपे दोहोनता अरू ओरोपे गियूनेना।


ने ईंगरिकुःआ सउंगताकू, अबू भगवानरिकुःआ लइंकू हवे। अबू तयोमरे करा इयाबू होयाःता हना नुँहू जमालेःआते मेरबू सुसुदीता। मनदो अबू नाःआबू सुसुदीतना, हाँय सेरमो देस अतेय वेगता हनमेला अबू हाँय इदानिया हनन इयाबू ञेलेयता अरू हनाँय इयाबू होया जुवाःता।


Swiv nou:

Piblisite


Piblisite